પ્રાણવાયુ મેળવી લઉં છું

(તસવીર – નિસર્ગના ખોળે, દલાઈ લામાના નિવાસસ્થાન મેક્લીયોડગંજની પાસે આવેલ ભાગસુનાગ ગામથી ઉપર પર્વતીય આરોહણ દરમ્યાન, હિમાચલ પ્રદેશ, એપ્રિલ 2010)

તમારી યાદમાંથી પ્રાણવાયુ મેળવી લઉં છું,
પછી એમાં સુગંધીઓ ફૂલોની ભેળવી દઉં છું.

ફરી કિલ્લોલતાં ટોળે વળે છે શ્વાસના પંખી,
જીવનને આંગણેથી જિંદગાની સેરવી દઉં છું.

તમારા સ્વર્ગસુંદર સ્નેહભીના સ્પર્શને મોઘમ,
મઢી મારા જ મનની ભીંત પર હું ભેરવી દઉં છું.

તમે ખળખળ ઝરણ થઈને વહો છો શૂન્યતાઓમાં,
છતાં પડઘા ગણી હું રોજ મનને કેળવી દઉં છું.

પ્રતીક્ષાની પળો વીતાવવી ના સ્હેલ છે ‘ચાતક’,
સમય થઈને ઘડીના બેય કાંટા ફેરવી દઉં છું.

– દક્ષેશ કોન્ટ્રાકટર ‘ચાતક’

COMMENTS (14)
Reply

પ્રતીક્ષાની પળો વીતાવવી ના સ્હેલ છે ‘ચાતક’,
સમય થઈને ઘડીના બેય કાંટા ફેરવી દઉં છું.
વાહ ચાતક ! ખૂબ સુંદર !

તમારી યાદમાંથી પ્રાણવાયુ મેળવી લઉં છું,
પછી એમાં સુગંધીઓ ફૂલોની ભેળવી દઉં છું…….. ખુબ જ સરસ મત્લા… જો કે આખી ગઝલ સરસ છે… અભિનંદન

નિસર્ગના ખોળે ઉદ્ભવેલી સંવેદના સુંદર ગઝલ જ નહિ સુંદર કવિતામાં પણ પરિણમે છે.

Reply

તમારા સ્વર્ગસુંદર સ્નેહભીના સ્પર્શને મોઘમ,
મઢી મારા જ મનની ભીંત પર હું ભેરવી દઉં છું.

વાહ ખુબ સુંદર ગઝલ લૈ આવ્યા હંમેશની જેમ જ.

Reply

તમારી યાદમાંથી પ્રાણવાયુ મેળવી લઉં છું,
પછી એમાં સુગંધીઓ ફૂલોની ભેળવી દઉં છું.
સરસ
અને યાદ
દિવસ ઢળ્યો, સંધ્યા સમી અને રાત આવી,
ઊંચે આભમાં ચંદ્રને જોયો ને તમારી યાદ આવી.
ગગનનો પૂર્વ પ્રદેશ ઝળક્યો અને
ધુમ્મસ ભરી સવાર આવી

નિતાંત નિસર્ગને ખોળે પાંગરેલી ગઝલ,
તમે ખળખળ ઝરણ થઈને વહો છો શૂન્યતાઓમાં,
છતાં પડઘા ગણી હું રોજ મનને કેળવી દઉં છું………..સરસ.

તમારા સ્વર્ગસુંદર સ્નેહભીના સ્પર્શને મોઘમ,
મઢી મારા જ મનની ભીંત પર હું ભેરવી દઉં છું.

વાહ ક્યા બાત હૈ? ખૂબ સુંદર! આખી ગઝલ સરસ બની!
સપના

તમારી યાદમાંથી પ્રાણવાયુ મેળવી લઉં છું…

નિસર્ગના સાંનિધ્યમાં પાંગરેલ એક સુંદર કવિતા

Reply

તમે ખળખળ ઝરણ થઈને વહો છો શૂન્યતાઓમાં,
છતાં પડઘા ગણી હું રોજ મનને કેળવી દઉં છું

પ્રભુની યાદ અને દર્શન સર્વ વસ્તુઓમાં જોવાની ટેવમાંથી આટલી સુન્દર ગઝલની રચના થઈ લાગે છે. ધન્ય છે તમારી પ્રભુ ભક્તિને!!!

Reply

Hello Dakeshesh bhai,
આટલુ સુન્દર કાવ્ય. ખૂબ ગમ્યું.
Your poems are really very nice, touchy and meaningful… I enjoy them the most.
Sometime back I had read a poem which was Son’s reply to a blind mother’s letter. Blind mother’s letter is a famous song since many years… but the reply to it was recently put up and it was equally touchy. Can you please put it again on your site?? thanks.

તમારી યાદમાંથી પ્રાણવાયુ મેળવી લઉં છું,
પછી એમાં સુગંધીઓ ફૂલોની ભેળવી દઉં છું
સરસ રજૂઆત.

Reply

પ્રાણવાયુ પૂરો પાડે એવી સુંદર ગઝલ!
સુધીર પટેલ.

પ્રતીક્ષાની પળો વીતાવવી ના સ્હેલ છે ‘ચાતક’,
સમય થઈને ઘડીના બેય કાંટા ફેરવી દઉં છું.

સુંદર દક્ષેશ ભાઇ, બહુ જ સુંદર.

Reply

તમારી યાદમાંથી પ્રાણવાયુ મેળવી લઉં છું,
પછી એમાં સુગંધીઓ ફૂલોની ભેળવી દઉં છું.
ક્યા બાત … ક્યા બાત … ક્યા બાત …
પણ
યાદમાંથી પ્રાણવાયુ મેળવી ને સુગંધ ફૂલોની ભેળવ્યા પછી શું નિર્માણ થાય છે એ તો જરા કહો…..
– ભરત ચુડાસમા (માંડવી- કચ્છ)

Leave a Comment

Comment (required)

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Name (required)
Email (required)