Press "Enter" to skip to content

આંસુઓ પીવાય છે


દુષ્કાળપિડીત માનવીઓની વ્યથા આલેખતી ગઝલ….

એમ તરસ્યા ક્યાં લગી રહેવાય છે ?
જળ નહીં તો આંસુઓ પીવાય છે.

રણમહીં વરસ્યા કરે છે મૃગજળો,
ને હરણ થઈ જીંદગી જીવાય છે.

રોજ ઈચ્છાનો સ્વયંવર થાય છે,
રોજ મનની માછલી વીંધાય છે.

તું લખે છે હસ્તરેખામાં ગઝલ,
ને અમારી પાંપણો ભીંજાય છે.

આશ તો ‘ચાતક’ બદનનું વસ્ત્ર છે,
જે નિરાશાઓ વડે ચીરાય છે.

– દક્ષેશ કોન્ટ્રાકટર ‘ચાતક’

19 Comments

  1. Himanshu Patel
    Himanshu Patel August 22, 2010

    વ્યથાનું આલેખન સરળ અને લાગણીઓના ઉભરા વગર થયું છે તેથી વાંચવાનું ગમ્યું.
    રોજ ઈચ્છાનો સ્વયંવર થાય છે,
    રોજ મનની માછલી વીંધાય છે.

  2. Pancham Shukla
    Pancham Shukla August 22, 2010

    સરસ ગઝલ. છંદ, બંધારણ અને રજૂઆત – બધા માટે અભિનંદન.

    રોજ ઈચ્છાનો સ્વયંવર થાય છે,
    રોજ મનની માછલી વીંધાય છે.

  3. Sudhir Patel
    Sudhir Patel August 22, 2010

    પ્યાસની અનુભૂતિ કરાવતી સુંદર ગઝલ!
    સુધીર પટેલ.

  4. Sapana
    Sapana August 22, 2010

    રણમહીં વરસ્યા કરે છે મૃગજળો,
    ને હરણ થઈ જીંદગી જીવાય છે.
    આખી ગઝલના શેર સરસ છે આ પંકતિઓ વિષેશ ગમી.
    સપના

  5. Marmi Kavi
    Marmi Kavi August 22, 2010

    રોજ ઈચ્છાનો સ્વયંવર થાય છે,
    રોજ મનની માછલી વીંધાય છે……સરસ શેઅર ……અભિનન્દન…

  6. Ashish Joshi
    Ashish Joshi August 22, 2010

    લાજવાબ કલમ ચાલે છે ચાતકની.
    હવે તો એને પુસ્તક સ્વરુપે બહાર આવવુ જ જોઈએ.
    તમારા દરેક વિચારો વીંધાય છે.

  7. pragnaju
    pragnaju August 22, 2010

    સરસ ગઝલ
    એમ તરસ્યા ક્યાં લગી રહેવાય છે ?
    જળ નહીં તો આંસુઓ પીવાય છે.

    રણમહીં વરસ્યા કરે છે મૃગજળો,
    ને હરણ થઈ જીંદગી જીવાય છે.
    આંસુઓ દિલની ભીનાશની અભિવ્યકિત છે

  8. Heena Parekh
    Heena Parekh August 23, 2010

    રોજ ઈચ્છાનો સ્વયંવર થાય છે,
    રોજ મનની માછલી વીંધાય છે..
    લાજવાબ શેર.

  9. Kanchankumari. P. Parmar
    Kanchankumari. P. Parmar August 23, 2010

    આંસુઓ ના જળથી ઠાર હવે; ચિતા નો અગ્નિ હજુએ લાલ છે…..

  10. P Shah
    P Shah August 24, 2010

    સરસ ગઝલ થઈ છે.
    નખશિખ સુંદર રચના !
    અભિનંદન !

  11. Kirtikant Purohit
    Kirtikant Purohit August 26, 2010

    રોજ ઈચ્છાનો સ્વયંવર થાય છે,
    રોજ મનની માછલી વીંધાય છે.

    આ શેરથી આખી ગઝલ ઉઠાવ પામી છે. બહુજ સરસ રચના.

  12. Shaunak Pandya
    Shaunak Pandya August 27, 2010

    સુન્દર…………………….
    એમ તરસ્યા ક્યાં લગી રહેવાય છે ?
    જળ નહીં તો આંસુઓ પીવાય છે.

  13. Dr P A Mevada
    Dr P A Mevada August 27, 2010

    તમારી ગઝલ સંવેદનાથી ભરપુર મઝા કરાવી ગઈ. અભિનંદન!
    “સાજ” મેવાડા

Leave a Reply to Sudhir Patel Cancel reply

Your email address will not be published. Required fields are marked *

This site uses Akismet to reduce spam. Learn how your comment data is processed.