દાદા હો દીકરી
પરણીને સાસરે જનાર નવી વહુને ભાગે સાસુના મહેણાં, નણંદના નખરાં અને સંયુક્ત ઘરના કામનો ઢગલો આવતો એવું માત્ર ફિલ્મોમાં નહીં પણ હકીકતમાં બનતું હોય છે. કોડભરી કન્યાને જ્યારે એવા કડવા અનુભવો થાય ત્યારે તે ગીત મારફત પોતાના હૃદયની વ્યથા વ્યક્ત કરે છે ને પોતાના વડીલોને પ્રાર્થના કરે છે કે હવે બીજી કોઈ દીકરીને અહીં ન પરણાવતા. ગીતમાં એવું ભલે વાગડ પ્રદેશ માટે કહેવાયું હશે પણ આ સમસ્યા સર્વવ્યાપક છે. શું આટલી પ્રગતિ અને કન્યા કેળવણી પછી આપણે આપણા ઘરમાં આવતી કોડભરી કન્યાને પુત્રીવત્ ગણી કેમ અપનાવી નહીં શકતા હોઈએ ? ..
Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.
દાદા હો દીકરી, વાગડમાં નવ દેજો રે સૈ.
વાગડની વઢિયાળી સાસુ, દોહ્યલી રે…. સૈયર તે હમથી, દાદા…
દિ’એ દળાવે મને, રાતડીએ કંતાવે રે સૈ,
પાછલડી રાત્યુંએ પાણીડાં મોકલે રે…સૈયર તે હમથી, દાદા…
ઓશીકે ઈંઢોણી, મારા પાંગતીએ સિંચણિયું રે સૈ,
સામે તે ઓસરીએ મારું બેડલું રે..સૈયર તે હમથી, દાદા…
પિયુ પરદેશ મારો એકલડી અટૂલી રે સૈ
વાટલડી જોતી ને આંસુ પાડતી રે …સૈયર તે હમથી, દાદા…
ઊડતા પંખીડાં મારો, સંદેશો લઈ જાજો રે સૈ,
દાદાને કહેજો કે દીકરી કૂવે પડે રે….સૈયર તે હમથી, દાદા…
(હમ-સમ- સૌગંદ)
April 25th, 2010 at 11:07 pm
મધુરી ગાયકી
પિયુ પરદેશ મારો એકલડી અટૂલી રે સૈ
વાટલડી જોતી ને આંસુ પાડતી રે
કેવી કરુણતા!
ત્યારે આ દ્રશ્ય કેવું મઝાનું
નાજુકડી નાર ને નાકમાં મોતી,
પિયુ પરદેશ ને વાટડી જોતી;
ઉડાડતી કાગ ને ગણતી દા’ડા,
એ એંધાણીએ નાગરવાડા.
April 26th, 2010 at 9:39 am
સરસ લોકગીત છે. જો કે આ ગીત સાંભળતાંની સાથે બીજા લોકગીત પણ યાદ જરૂર આવે.
April 27th, 2010 at 7:15 am
Nice one
keep it up
April 27th, 2010 at 5:17 pm
there was one more line which is missing here, where the dada is sending a reply and a request to dikri to wait and do not do anything unthinkable because he will send someone soon to get her…..i have a difficulty writing i gujarati….here how it goes….
કુવે ના પડશો દીકરી અફીણીયા નવ ખાશો રે સૈ,
અજવાળી આઠમના આણા આવશે રે લોલ…
April 30th, 2010 at 9:25 pm
Very nice………..
May 1st, 2010 at 9:59 am
સરસ ગીત ….
May 10th, 2010 at 11:19 am
ખુબ સરસ લોકગીત છે.
August 7th, 2010 at 9:28 pm
આજે પણ આ સ્થિતિ અમુક સમાજમાં છે. ઇંઢોણી ને સિંચણયા ને બદલે મહેણા ને અપપ્રચાર આજે પણ છે. આ લોકગીત સમાજનું પ્રતિબિંબ છે.
October 3rd, 2010 at 3:05 pm
very heart touching loke geet. cannot express the feelings of dard and dukh.
March 25th, 2011 at 6:47 am
દાદા અને દીકરીનું ગીત સુંદર લાગે ..