Press "Enter" to skip to content

તમારા ચરણમાં


મિત્રો, આજે મારી રચેલ અને મને ગણગણવાને ખૂબ ગમતી એવી પ્રાર્થના-ગઝલ. આશા છે એ આપને પણ ગમશે.

હિમાલય રમે છે તમારાં ચરણમાં,
ને ભાગિરથી છે તમારાં ચરણમાં.

અશંકિત અમારા નમન કેમ ના હો,
તીરથ સૌ મળે છે તમારાં ચરણમાં.

નવો પ્રાણ આપે બુઝાતા દીપકને,
છે સંજીવની એ તમારાં ચરણમાં.

તમે છો અમારા સદા કાજ સાહિલ,
ને મંઝિલ અમારી તમારાં ચરણમાં.

જડાવીને જડતા થયાં શીલ જેવાં,
કરોને અહલ્યા, તમારાં ચરણમાં.

નથી કૈં અમારો ઉગરવાનો આરો,
ઉગારો, સજા દો, તમારાં ચરણમાં.

અમે સહુ તમારી કૃપાનાં જ ‘ચાતક’,
કે થોડી જગા દો, તમારાં ચરણમાં.

– દક્ષેશ કોન્ટ્રાકટર ‘ચાતક’

7 Comments

  1. preetam lakhlani
    preetam lakhlani April 1, 2010

    સ્..ર્…સ્…ગઝલ્….મજા આવી ગઈ…..

  2. Yatri
    Yatri April 1, 2010

    “જડાવીને જડતા થયાં શીલ જેવાં” અને “કે થોડી જગા દો, તમારાં ચરણમાં” – આત્મ નિવેદન અને સમર્પણ એ નવધા ભક્તિના વિશિષ્ટ અંગોને “ચાતકે” સારી રીતે આત્મસાત કર્યા લાગે છે!

  3. Pancham Shukla
    Pancham Shukla April 3, 2010

    સુંદર રચના. સહજ પ્રાર્થના.

  4. sneha patel
    sneha patel April 7, 2010

    જડાવીને જડતા થયાં શીલ જેવાં,
    કરોને અહલ્યા, તમારાં ચરણમાં.

    વાહ્…વાહ્ ખૂબ સરળ અને સુંદર રચના.
    -સ્નેહા- અક્ષિતારક

  5. Gopi and Mira
    Gopi and Mira April 14, 2010

    No audio for this poem? 🙂

  6. તેજસ શાહ
    તેજસ શાહ April 27, 2010

    તમે છો અમારા સદા કાજ સાહિલ,
    ને મંઝિલ અમારી તમારાં ચરણમાં.

    વાહ .!

  7. paresh
    paresh May 1, 2010

    ખુબ સરસ

    મજા આવી

Leave a Reply to sneha patel Cancel reply

Your email address will not be published. Required fields are marked *

This site uses Akismet to reduce spam. Learn how your comment data is processed.