Press "Enter" to skip to content

ચાલી ગયા માસી


બરાબર આજથી બે વરસ પૂર્વે અકસ્માતમાં વિદાય થનાર માસી (જ્યોતિબેન) ને અંજલિ આપતી મારી આ રચના.

સ્મિત હોઠો પર લઈ ચાલી ગયા માસી,
આશિષ અંતરથી દઈ ચાલી ગયા માસી.

એવી હતી અમ ધારણા સંગાથ કાયમનો,
મિથ્યા કરી, પળવારમાં ચાલી ગયા માસી.

નિસ્વાર્થ સેવા, ન્યાય, નીતિ, પ્રેમ, ખુદ્દારી,
દઈ સદગુણોનો વારસો ચાલી ગયા માસી.

કૈં દીન, દુઃખી આર્તના અંધાર જીવનપથ,
જ્યોતિ બની અજવાળતા ચાલી ગયા માસી.

મહેંકી ઉઠે છે ફુલથી કૈં ઘર ગલી ઉપવન
મ્હેંકાવતા મન-ઉપવનો ચાલી ગયા માસી.

કાયમ રહેશે સંસ્મરણ, સ્મૃતિઓ અંતરમાં
ઝાકળ થઈ છો પુષ્પથી ચાલી ગયા માસી.

– દક્ષેશ કોન્ટ્રાકટર ‘ચાતક’

9 Comments

  1. અભિષેક
    અભિષેક March 21, 2010

    દક્ષેશભાઇ

    આજે ૨૧મી માર્ચ છે. આ દિવસને સંયુક્ત રાષ્ટ્રની સંસ્થા યુનેસ્કો દ્વારા ‘વિશ્વ કવિતા દિવસ’ તરીકે ઉજવવામા આવે છે. સમગ્ર વિશ્વગુર્જરીને આ દિવસની હાર્દિક શુભેચ્છા. ગુજરાતી કવિતાનો સતત અભિષેક કરતા બ્લોગસ ટહૂકો, લયસ્તરો,મિતિક્ષા, ઊર્મીસાગર, રણકાર,ગાગરમા સાગર અને આવા અનેક બ્લોગ્સના સંચાલકોને ‘અભિષેક’ તરફથી હાર્દિક શુભેચ્છા. આપણા સહુના સહિયારા પ્રયાસો વડે આ શબ્દાભિષેક સતત થતો જ રહેશે એવી ખાતરી છે. આજના દિવસવિશે વધુ માહિતી વાંચવા માટે આ લીંક અનુસરો. http://www.krutesh.info/2010/03/blog-post_21.html

  2. Preetam lakhlani
    Preetam lakhlani March 21, 2010

    સારી ગઝલ….

  3. Atul
    Atul March 23, 2010

    માસીને સારી અન્જલિ આપી. ધન્યવાદ.

  4. Yatri
    Yatri March 25, 2010

    માસીને આ રીતે અંજલી આપવાની આ અનોખી રીત ગમી! સુંદર રચના.

  5. Dr Bipin Contractor
    Dr Bipin Contractor March 30, 2010

    કાયમ રહેશે સંસ્મરણ, સ્મૃતિઓ અંતરમાં
    ઝાકળ થઈ છો પુષ્પથી ચાલી ગયા માસી.

    દક્ષેશભાઈ, ધન્યવાદ.માસીને સુંદર રીતે અંજલી આપી !

  6. Pancham Shukla
    Pancham Shukla April 3, 2010

    પ્રભુ સદ્ગતના આત્માને શાંતિ અર્પે.

  7. Indian Artist
    Indian Artist April 8, 2010

    ખુબ જ સરસ વેબસાઈટ બનાવી છે. ગુજરાતી રચના ખુબ જ સરસ લાગી.

  8. Rajesh Lodhia
    Rajesh Lodhia June 30, 2010

    તમારા માસીને અમારી પણ અંજલી. God bless her. Pray to almighty god that her divine soul attain the spiritual world.
    Hare Krishna Krishna Krishna
    Hare Ram Hare Hare

Leave a Reply to Atul Cancel reply

Your email address will not be published. Required fields are marked *

This site uses Akismet to reduce spam. Learn how your comment data is processed.