મિત્રો, આજે મારી એક સ્વરચિત કૃતિ. આશા છે આપને પસંદ પડશે.
અમસ્તી લખી છે, અધૂરી લખી છે,
કલમથી અમે જિંદગાની લખી છે.
છે ઘેલું જગત, ને જુદાં એમાં હોવું
ગુનો છે, ગુનાની કહાની લખી છે.
પતંગાની પાંખો ને પ્રિતમની આંખો
નિખરતી ફુલોની જવાની લખી છે.
દિલાસાના દ્હાડા, મહોબ્બતની રાતો,
ઘડીઓ અમે ચંદ ફાની લખી છે.
તડપ, બેકરારી, ઝૂરાપો, ખુમારી,
ઘણી લાગણી બેજુબાની લખી છે.
તમારી આ આંખોમાં અશ્રુઓ શાને,
અમે તો અમારી કહાની લખી છે !
ભલે નામ આવે નહીં ક્યાંય ‘ચાતક’,
ગઝલ તો તમે પણ મઝાની લખી છે.
– દક્ષેશ કોન્ટ્રાકટર ‘ચાતક’
અમસ્તી લખી છે, અધૂરી લખી છે,
કલમથી અમે જિંદગાની લખી છે……..આ હતી શરૂઆત !
ભલે નામ આવે નહીં ક્યાંય ‘ચાતક’,
ગઝલ તો તમે પણ મઝાની લખી છે……આ હતા અંતીમ શબ્દો !
આ બે વચ્ચે બનેલી ગઝલ સુંદર છે !
Daxesh…Nice one !….You did once visited my Blog…Inviting you again to read Post on MITRATA & others too. Will be happy to read your Comment !
– Dr. Chandravadan Mistry (Chandrapukar)
બહુ સરસ મઝાની ગઝલ લખી છે!
સરયૂ પરીખ
http://www.saryu.wordpress.com
ખુબ જ, ખુબ જ, અતિ સુંદર ગઝલ, લાગણીઓને ખુબજ સુંદર શબ્દોનો શણગાર આપ્યો છે.
દક્ષેશભાઈ,
સરસ ગઝલ થઈ છે! મને આ શેર ખાસ ગમ્યાં:
તમારી આ આંખોમાં અશ્રુઓ શાને,
અમે તો અમારી કહાની લખી છે!
ભલે નામ આવે નહીં ક્યાંય ‘ચાતક’,
ગઝલ તો તમે પણ મઝાની લખી છે.
તડપ, બેકરારી, ઝૂરાપો, ખુમારી,…. વાળા શેરમાં જે ઊંચી અપેક્ષા નિર્માણ થાય છે એને “બેજુબાની” કાફિયા ન્યાય આપતો નથી એવું લાગ્યું તો વધુ સારા વિકલ્પ અંગે વિચારી શકાય!
બાકી overall સરસ! અભિનંદન!
સુંદર રચના… મજા આવી…
તમારી આ આંખોમાં અશ્રુઓ શાને,
અમે તો અમારી કહાની લખી છે !
વાહ !
સુંદર રચના !
બધા ચાતકોની તૃષા તૃપ્ત થાયે
ગઝલમાં મજાની રવાની લખી છે.
“તડપ, બેકરારી, ઝૂરાપો, ખુમારી,
ઘણી લાગણી બેજુબાની લખી છે. ”
બહુ સરસ રચના,ગઝલ થઈ છે…..
તડપ, બેકરારી, ઝૂરાપો, ખુમારી,
ઘણી લાગણી બેજુબાની લખી છે.
ઉપરના શેર સાથે ગઝલનું સમગ્ર ફોર્મેટ સરસ અંકાયું છે.
ઘણા વખત બાદ એક ગમતી ગઝલ વાંચી, સાચું કઉ તો આજે જિદગીમાં બીજી વાર ખુશ થયો, પ્રથમ વાર જયારે દેશમાંથી ઇમરજ્ન્સી જનતા સરકારે નાબુદ કરી ત્યારે અને આજે બીજી વાર ………..
લગાગા ના ૪ આવર્તનમાં ખૂબ કોમળ રીતે નિર્વેદને વણી લીધો છે. બધા શેર આસ્વાદ્ય થયા છે.
ભાઈ શ્રી ચાતક, આ તો તમે સંભળાવી જ નહી?
બહોત ખૂબ! કલમથી કાચી કળીઓને (શબ્દની) કંડારવાની કળાને ક્યારેય કળ ના વળે! જેથી ગુજરાતી સાહિત્યને એક નવો ચાહનારો (ખરેખર ચાહનારો) મળે!
વેડફ્યા નથી એકેય શબ્દો મારા …..શબ્દે શબ્દે પુરી જિંદગાની લખી છે.
all i can say is very nice
saras majani ghazal che dakesh bhai