Press "Enter" to skip to content

જિંદગાની લખી છે


મિત્રો, આજે મારી એક સ્વરચિત કૃતિ. આશા છે આપને પસંદ પડશે.

અમસ્તી લખી છે, અધૂરી લખી છે,
કલમથી અમે જિંદગાની લખી છે.

છે ઘેલું જગત, ને જુદાં એમાં હોવું
ગુનો છે, ગુનાની કહાની લખી છે.

પતંગાની પાંખો ને પ્રિતમની આંખો
નિખરતી ફુલોની જવાની લખી છે.

દિલાસાના દ્હાડા, મહોબ્બતની રાતો,
ઘડીઓ અમે ચંદ ફાની લખી છે.

તડપ, બેકરારી, ઝૂરાપો, ખુમારી,
ઘણી લાગણી બેજુબાની લખી છે.

તમારી આ આંખોમાં અશ્રુઓ શાને,
અમે તો અમારી કહાની લખી છે !

ભલે નામ આવે નહીં ક્યાંય ‘ચાતક’,
ગઝલ તો તમે પણ મઝાની લખી છે.

– દક્ષેશ કોન્ટ્રાકટર ‘ચાતક’

18 Comments

  1. DR. Chandravadan Mistry
    DR. Chandravadan Mistry March 2, 2010

    અમસ્તી લખી છે, અધૂરી લખી છે,
    કલમથી અમે જિંદગાની લખી છે……..આ હતી શરૂઆત !
    ભલે નામ આવે નહીં ક્યાંય ‘ચાતક’,
    ગઝલ તો તમે પણ મઝાની લખી છે……આ હતા અંતીમ શબ્દો !
    આ બે વચ્ચે બનેલી ગઝલ સુંદર છે !
    Daxesh…Nice one !….You did once visited my Blog…Inviting you again to read Post on MITRATA & others too. Will be happy to read your Comment !
    – Dr. Chandravadan Mistry (Chandrapukar)

  2. ખુબ જ, ખુબ જ, અતિ સુંદર ગઝલ, લાગણીઓને ખુબજ સુંદર શબ્દોનો શણગાર આપ્યો છે.

  3. દક્ષેશભાઈ,

    સરસ ગઝલ થઈ છે! મને આ શેર ખાસ ગમ્યાં:

    તમારી આ આંખોમાં અશ્રુઓ શાને,
    અમે તો અમારી કહાની લખી છે!

    ભલે નામ આવે નહીં ક્યાંય ‘ચાતક’,
    ગઝલ તો તમે પણ મઝાની લખી છે.

    તડપ, બેકરારી, ઝૂરાપો, ખુમારી,…. વાળા શેરમાં જે ઊંચી અપેક્ષા નિર્માણ થાય છે એને “બેજુબાની” કાફિયા ન્યાય આપતો નથી એવું લાગ્યું તો વધુ સારા વિકલ્પ અંગે વિચારી શકાય!

    બાકી overall સરસ! અભિનંદન!

  4. P Shah
    P Shah March 2, 2010

    તમારી આ આંખોમાં અશ્રુઓ શાને,
    અમે તો અમારી કહાની લખી છે !

    વાહ !

    સુંદર રચના !

  5. Dr Firdosh Dekhaiya
    Dr Firdosh Dekhaiya March 2, 2010

    બધા ચાતકોની તૃષા તૃપ્ત થાયે
    ગઝલમાં મજાની રવાની લખી છે.

  6. Sneha
    Sneha March 2, 2010

    “તડપ, બેકરારી, ઝૂરાપો, ખુમારી,
    ઘણી લાગણી બેજુબાની લખી છે. ”

    બહુ સરસ રચના,ગઝલ થઈ છે…..

  7. Kirtikant Purohit
    Kirtikant Purohit March 2, 2010

    તડપ, બેકરારી, ઝૂરાપો, ખુમારી,
    ઘણી લાગણી બેજુબાની લખી છે.

    ઉપરના શેર સાથે ગઝલનું સમગ્ર ફોર્મેટ સરસ અંકાયું છે.

  8. Preetam Lakhlani
    Preetam Lakhlani March 3, 2010

    ઘણા વખત બાદ એક ગમતી ગઝલ વાંચી, સાચું કઉ તો આજે જિદગીમાં બીજી વાર ખુશ થયો, પ્રથમ વાર જયારે દેશમાંથી ઇમરજ્ન્સી જનતા સરકારે નાબુદ કરી ત્યારે અને આજે બીજી વાર ………..

  9. Pancham Shukla
    Pancham Shukla March 3, 2010

    લગાગા ના ૪ આવર્તનમાં ખૂબ કોમળ રીતે નિર્વેદને વણી લીધો છે. બધા શેર આસ્વાદ્ય થયા છે.

  10. Yatri
    Yatri March 3, 2010

    ભાઈ શ્રી ચાતક, આ તો તમે સંભળાવી જ નહી?
    બહોત ખૂબ! કલમથી કાચી કળીઓને (શબ્દની) કંડારવાની કળાને ક્યારેય કળ ના વળે! જેથી ગુજરાતી સાહિત્યને એક નવો ચાહનારો (ખરેખર ચાહનારો) મળે!

  11. Kanchankumari Parmar
    Kanchankumari Parmar March 4, 2010

    વેડફ્યા નથી એકેય શબ્દો મારા …..શબ્દે શબ્દે પુરી જિંદગાની લખી છે.

  12. Jignesh
    Jignesh March 6, 2010

    all i can say is very nice

Leave a Reply to વિવેક ટેલર Cancel reply

Your email address will not be published. Required fields are marked *

This site uses Akismet to reduce spam. Learn how your comment data is processed.