Press "Enter" to skip to content

જિંદગાની લખી છે


મિત્રો, આજે મારી એક સ્વરચિત કૃતિ. આશા છે આપને પસંદ પડશે.

અમસ્તી લખી છે, અધૂરી લખી છે,
કલમથી અમે જિંદગાની લખી છે.

છે ઘેલું જગત, ને જુદાં એમાં હોવું
ગુનો છે, ગુનાની કહાની લખી છે.

પતંગાની પાંખો ને પ્રિતમની આંખો
નિખરતી ફુલોની જવાની લખી છે.

દિલાસાના દ્હાડા, મહોબ્બતની રાતો,
ઘડીઓ અમે ચંદ ફાની લખી છે.

તડપ, બેકરારી, ઝૂરાપો, ખુમારી,
ઘણી લાગણી બેજુબાની લખી છે.

તમારી આ આંખોમાં અશ્રુઓ શાને,
અમે તો અમારી કહાની લખી છે !

ભલે નામ આવે નહીં ક્યાંય ‘ચાતક’,
ગઝલ તો તમે પણ મઝાની લખી છે.

– દક્ષેશ કોન્ટ્રાકટર ‘ચાતક’

18 Comments

  1. Dr Bipin Contractor
    Dr Bipin Contractor March 8, 2010

    વાહ દક્ષેશ ભાઈ! ગાલિબની જેમ તમારો પણ કંઈ અંદાઝે બયાં ઑર છે ને!

  2. Tadrash Shah
    Tadrash Shah March 20, 2010

    ખૂબ જ સુંદર……
    આ ગીત નો ઢાળ અને લય ઘણો સ્પર્શી ગયો..
    વિચારવા જઇએ તો મર્મ પણ છે…
    Congratulations…..

  3. Jayesh
    Jayesh May 29, 2010

    Bas Zindgi Adhuri lkhi 6e………
    Hu to ahi bas Farva aavo to ne Zindgi ma ta je vo CHATAK Mali gyo Aemaj Zindgi ………

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.