Press "Enter" to skip to content

આંખ આંસુથી ભરેલી છે છતાં …


મિત્રો આજે વેલેન્ટાઈન ડે નિમિત્તે મારું એક સ્વરચિત ગીત પ્રસ્તુત કરું છું. એ સમર્પિત છે એવા તમામ પ્રેમીઓને જે પોતાના પ્રિય પાત્રોથી દુર છે, નારાજ છે, વિખુટાં પડેલા છે.

આંખ આંસુથી ભરેલી છે છતાં સ્મિત કરવાની આશ રાખું છું !
જિંદગી જખ્મો ભરેલી છે છતાં પ્રીત કરવાની આશ રાખું છું !

તમે ચાલી ગયા રિસાઈને એ યાદ છે અમને,
પછી કેવી રીતે વીતી, ખબર છે, રાત એ તમને?
લાગણી કૈં બેજુબાની છે છતાં વ્યક્ત કરવાની આશ રાખું છું !

જુઓ શું હાલ છે મારા હૃદયના અહીં તમારા વિણ,
તમારી સંગ એ વાતો કરે છે અહીં તમારા વિણ,
ભીંત સઘળીયે તૂટેલી છે છતાં મ્હેલ ચણવાની આશ રાખું છું !

વિરહની એક પળ કેવી વીતે છે, કહી નથી શકતો,
સમયના તીર વાગે છે ને હું એ સહી નથી શકતો,
આગ અહીં ચારે તરફ છે છતાં હિમ ખરવાની આશ રાખું છું !

મુકદ્દરમાં હશે મળવું તો એ ટાળી નહીં શકશો,
વચન છોને દીધું હો એ તમે પાળી નહીં શકશો,
બેડીઓ પગમાં જડેલી છે છતાં આભ અડવાની આશ રાખું છું !

તમે કોઈ દિવસ ખખડાવશો મારા હૃદય-દ્વારો,
ફરીથી સાંધશો તૂટી ગયા છે જે મધુર તારો,
વાંઝણી આશા મિલનની છે છતાં રોજ મળવાની આશ રાખું છું !

ભરીને શ્વાસમાં દરિયો તમે મુજ રણ ઉપર વરસો,
જુઓ છો રાહ શાની આજ તો ચાતક ઉપર તરસો,
ચોતરફ કૈં ઝાંઝવાઓ છે છતાં એને છળવાની આશ રાખું છું !

– દક્ષેશ કોન્ટ્રાકટર ‘ચાતક’

નોંધ – આ ગીતની પ્રેરણા 2002માં રજૂ થયેલ ફિલ્મ-તુમસે અચ્છા કૌન હૈ-ના ગીતમાંથી મળેલી. આ ગીતનો ઢાળ એના પર આધારિત છે તથા મુખડાની પંક્તિઓના શબ્દ એને મળતા આવે છે. તે સિવાયની સંપૂર્ણ રચના મૌલિક છે. વાચકોની સ્પષ્ટતા અને સંદર્ભ માટે એ ગીત પણ અહીં રજૂ કરું છું.
સ્વર- કુમાર સાનુ

*
સ્વર- અલકા યાજ્ઞિક

9 Comments

  1. Ashish Joshi
    Ashish Joshi February 14, 2010

    મુકદ્દરમાં હશે મળવું તો એ ટાળી નહીં શકશો,
    વચન છોને દીધું હો એ તમે પાળી નહીં શકશો,
    બેડીઓ પગમાં જડેલી છે છતાં આભ અડવાની આશ રાખું છું !

    ખુબ જ સરસ.. પણ મુકદ્દર કરતા તો પ્રેમ બધુ જ ખેચી લાવે છે.

  2. P Shah
    P Shah February 14, 2010

    ચોતરફ કૈં ઝાંઝવાઓ છે છતાં એને છળવાની આશ રાખું છું !
    ખૂબ સરસ !
    ગીત ખૂબ જ સુંદર થયું છે.
    અભિનંદન !

  3. Chetu
    Chetu February 14, 2010

    સુન્દર પ્રણય ભાવ ..!!!

  4. Dilip
    Dilip February 14, 2010

    મુકદ્દરમાં હશે મળવું તો એ ટાળી નહીં શકશો,
    વચન છોને દીધું હો એ તમે પાળી નહીં શકશો,
    બેડીઓ પગમાં જડેલી છે છતાં આભ અડવાની આશ રાખું છું !

    ખુબ સુંદર મુસલસલ વિરહનું ગીત..
    તુરત ખ્યાલ આવી જાય જે ફિલ્મનું છે પણ મૌલિક્તા મહત્વની છે..
    સાચે જ પ્રેમ એ મુકદ્દરની વાત છે.

  5. Ashwin
    Ashwin February 16, 2010

    તમે ચાલી ગયા રિસાઈને એ યાદ છે અમને,
    પછી કેવી રીતે વીતી, ખબર છે, રાત એ તમને?
    લાગણી કૈં બેજુબાની છે છતાં વ્યક્ત કરવાની આશ રાખું છું !

    બહુ સરસ મજા આવી ગઈ. ખુબ ખુબ આભાર. પ્રેમી જનો માટે બહુ સરસ.

  6. Pancham shukla
    Pancham shukla February 18, 2010

    સરસ ગીત. સાથે ઢાળ આપ્યો એ ગમ્યું. તમે પોતે પણ એ ઢાળમાં ગાઈ મૂકી શકો તો ઓર મઝા પડે.

  7. Sneha
    Sneha February 27, 2010

    તમે કોઈ દિવસ ખખડાવશો મારા હૃદય-દ્વારો,
    ફરીથી સાંધશો તૂટી ગયા છે જે મધુર તારો,
    વાંઝણી આશા મિલનની છે છતાં રોજ મળવાની આશ રાખું છું !

    ખુબ જ સરસ… પ્રેમમા આશાઓ અપાર છે, કારણ સાચો પ્રેમ ક્યારેય નથી વિસરાતો, ર્વિશ્વાસ એ જ પ્રેમનુ બીજુ નામ છે.

  8. Rammohan
    Rammohan July 21, 2011

    It is really wonderful.

  9. Dipesh Kheradiya
    Dipesh Kheradiya January 3, 2015

    Wahhh.. Superb..

    જુઓ શું હાલ છે મારા હૃદયના અહીં તમારા વિણ,
    તમારી સંગ એ વાતો કરે છે અહીં તમારા વિણ,
    ભીંત સઘળીયે તૂટેલી છે છતાં મ્હેલ ચણવાની આશ રાખું છું !

    વિરહની એક પળ કેવી વીતે છે, કહી નથી શકતો,
    સમયના તીર વાગે છે ને હું એ સહી નથી શકતો,
    આગ અહીં ચારે તરફ છે છતાં હિમ ખરવાની આશ રાખું છું !

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.