Press "Enter" to skip to content

પડછાયો કોઈ રોકો


મિત્રો, આજે મારી એક સ્વરચિત કૃતિ રજૂ કરું છું, આશા છે એ આપને ગમશે.

આંસુથી ના ભીંજાતો પડછાયો કોઈ રોકો,
ના દર્દથી પીડાતો પડછાયો કોઈ રોકો.

માણસ થઈ ભટકતો જે ખુલ્લેઆમ ઘરમાં,
દર્પણથી ના ઝીલાતો પડછાયો કોઈ રોકો.

ભાવિના ગર્ભમાં છે અગણિત કૈં સવાલો,
પ્રશ્નોથી ના મૂંઝાતો પડછાયો કોઈ રોકો.

વિહરે છે કલ્પનોનાં પારેવડાં ગગનમાં,
પટકાઈને વીંધાતો પડછાયો કોઈ રોકો.

આયુષ્યની ક્ષિતિજે ઝળહળ જલે છે દીપક,
લાંબો થઈ ટૂંકાતો પડછાયો કોઈ રોકો.

બદલે મિજાજ મૌસમ કુદરત સમયની સાથે,
બદલ્યે ન બદલાતો પડછાયો કોઈ રોકો.

સૂસવે છે ઝાંઝવાના સરવર શહેર વચ્ચે,
‘ચાતક’થી ના સહાતો પડછાયો કોઈ રોકો.

– દક્ષેશ કોન્ટ્રાકટર ‘ચાતક’

16 Comments

  1. Kirtikant Purohit
    Kirtikant Purohit February 1, 2010

    માણસ થઈ ભટકતો જે ખુલ્લેઆમ ઘરમાં,
    દર્પણથી ના ઝીલાતો પડછાયો કોઈ રોકો.

    આ શેર સારો બન્યો છે, બાકી, પવન સુસવે. ઝાંઝવાં શી રીતે સુસવે તે સમજાયું નહિ. કલ્પન પણ ગઝલમાં વાસ્તવિક ભૂમિકા પર હોવું ઘટે.

  2. પડછાયાને તમે ઠીક ઠીક બહેલાવ્યો છે, સારી રીતે રમાડ્યો છે. સરસ ગઝલ બની છે. કીર્તિકાન્તભાઈની ટકોર વ્યાજબી છે. ‘સૂસવે’ ની જગ્યાએ ‘સરકે’ કે ‘ચમકે’ મૂકીને જોઈ શકાય !

  3. Daxesh Contractor
    Daxesh Contractor February 2, 2010

    કીર્તિકાન્તભાઈ, મનહરભાઈ,
    આપના અભિપ્રાય બદલ આભાર.
    સૂસવે છે – એ ઝાંઝવાના સરોવર માટે વપરાયો છે. પાણીથી સરોવર છલકાય તે રીતે ઝાંઝવાથી એ છલોછલ ભરેલું છે એવા ભાવાર્થમાં વ્યાપકતા અને તીવ્રતાના દ્યોતક તરીકે એનો ઉપયોગ કરેલો છે. આટલી સ્પષ્ટતા પૂરતી થશે.

  4. Mahendrasinh
    Mahendrasinh February 2, 2010

    સરસ પડછાયો પાડ્યો…

  5. Yatri
    Yatri February 3, 2010

    વાહ્! મનુષ્યની સૌથી નજીકના સાથીની ઓળખાણ આપતી આ રચના અદભૂત છે!

  6. સરસ વાત લાવ્યા છે કવિ…….
    રદિફ બહુ ગમ્યો અને તમે જે રીતે પડછાયાને પ્રસ્તુત કર્યો એ પણ ગમ્યું.
    -અભિનંદન.

  7. Chetu
    Chetu February 3, 2010

    સરસ ગઝલ …! ખુબ ખુબ અભિનંદન ..

  8. Nilesh
    Nilesh February 3, 2010

    સુન્દર ગઝલ

  9. Ashish Joshi
    Ashish Joshi February 3, 2010

    ખુબ સરસ કૃતિની રચના કરી છે. ખુબ ગુઢ ભાવાર્થ રજુ કર્યો છે.
    ભાવિના ગર્ભમાં છે અગણિત કૈં સવાલો,
    પ્રશ્નોથી ના મૂંઝાતો પડછાયો કોઈ રોકો.

  10. Dilip
    Dilip February 3, 2010

    આયુષ્યની ક્ષિતિજે ઝળહળ જલે છે દીપક,
    લાંબો થઈ ટૂંકાતો પડછાયો કોઈ રોકો.
    સુન્દર ગઝલ..

  11. દિનકર ભટ્ટ
    દિનકર ભટ્ટ February 4, 2010

    માણસ થઈ ભટકતો જે ખુલ્લેઆમ ઘરમાં,
    દર્પણથી ના ઝીલાતો પડછાયો કોઈ રોકો.

    આ પંક્તિ ખુબ ગમી.

  12. Patel Popatbhai
    Patel Popatbhai February 5, 2010

    સરસ ગઝલ

  13. Darshan
    Darshan February 16, 2010

    ખુબ સુન્દર દક્ષેશભાઈ, ખુબ જ સુન્દર કાવ્યરચના છે…

Leave a Reply to Nilesh Cancel reply

Your email address will not be published. Required fields are marked *

This site uses Akismet to reduce spam. Learn how your comment data is processed.