પડછાયો કોઈ રોકો

મિત્રો, આજે મારી એક સ્વરચિત કૃતિ રજૂ કરું છું, આશા છે એ આપને ગમશે.

આંસુથી ના ભીંજાતો પડછાયો કોઈ રોકો,
ના દર્દથી પીડાતો પડછાયો કોઈ રોકો.

માણસ થઈ ભટકતો જે ખુલ્લેઆમ ઘરમાં,
દર્પણથી ના ઝીલાતો પડછાયો કોઈ રોકો.

ભાવિના ગર્ભમાં છે અગણિત કૈં સવાલો,
પ્રશ્નોથી ના મૂંઝાતો પડછાયો કોઈ રોકો.

વિહરે છે કલ્પનોનાં પારેવડાં ગગનમાં,
પટકાઈને વીંધાતો પડછાયો કોઈ રોકો.

આયુષ્યની ક્ષિતિજે ઝળહળ જલે છે દીપક,
લાંબો થઈ ટૂંકાતો પડછાયો કોઈ રોકો.

બદલે મિજાજ મૌસમ કુદરત સમયની સાથે,
બદલ્યે ન બદલાતો પડછાયો કોઈ રોકો.

સૂસવે છે ઝાંઝવાના સરવર શહેર વચ્ચે,
‘ચાતક’થી ના સહાતો પડછાયો કોઈ રોકો.

– દક્ષેશ કોન્ટ્રાકટર ‘ચાતક’

COMMENTS (16)

માણસ થઈ ભટકતો જે ખુલ્લેઆમ ઘરમાં,
દર્પણથી ના ઝીલાતો પડછાયો કોઈ રોકો.

આ શેર સારો બન્યો છે, બાકી, પવન સુસવે. ઝાંઝવાં શી રીતે સુસવે તે સમજાયું નહિ. કલ્પન પણ ગઝલમાં વાસ્તવિક ભૂમિકા પર હોવું ઘટે.

પડછાયાને તમે ઠીક ઠીક બહેલાવ્યો છે, સારી રીતે રમાડ્યો છે. સરસ ગઝલ બની છે. કીર્તિકાન્તભાઈની ટકોર વ્યાજબી છે. ‘સૂસવે’ ની જગ્યાએ ‘સરકે’ કે ‘ચમકે’ મૂકીને જોઈ શકાય !

કીર્તિકાન્તભાઈ, મનહરભાઈ,
આપના અભિપ્રાય બદલ આભાર.
સૂસવે છે – એ ઝાંઝવાના સરોવર માટે વપરાયો છે. પાણીથી સરોવર છલકાય તે રીતે ઝાંઝવાથી એ છલોછલ ભરેલું છે એવા ભાવાર્થમાં વ્યાપકતા અને તીવ્રતાના દ્યોતક તરીકે એનો ઉપયોગ કરેલો છે. આટલી સ્પષ્ટતા પૂરતી થશે.

Reply

સરસ પડછાયો પાડ્યો…

Reply

વાહ્! મનુષ્યની સૌથી નજીકના સાથીની ઓળખાણ આપતી આ રચના અદભૂત છે!

સરસ વાત લાવ્યા છે કવિ…….
રદિફ બહુ ગમ્યો અને તમે જે રીતે પડછાયાને પ્રસ્તુત કર્યો એ પણ ગમ્યું.
-અભિનંદન.

સરસ ગઝલ …! ખુબ ખુબ અભિનંદન ..

Reply

સુન્દર ગઝલ

ખુબ સરસ કૃતિની રચના કરી છે. ખુબ ગુઢ ભાવાર્થ રજુ કર્યો છે.
ભાવિના ગર્ભમાં છે અગણિત કૈં સવાલો,
પ્રશ્નોથી ના મૂંઝાતો પડછાયો કોઈ રોકો.

આયુષ્યની ક્ષિતિજે ઝળહળ જલે છે દીપક,
લાંબો થઈ ટૂંકાતો પડછાયો કોઈ રોકો.
સુન્દર ગઝલ..

માણસ થઈ ભટકતો જે ખુલ્લેઆમ ઘરમાં,
દર્પણથી ના ઝીલાતો પડછાયો કોઈ રોકો.

આ પંક્તિ ખુબ ગમી.

Reply

સરસ ગઝલ

Reply

ખુબ સુન્દર દક્ષેશભાઈ, ખુબ જ સુન્દર કાવ્યરચના છે…

1 2

Leave a Comment

Comment (required)

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Name (required)
Email (required)