નહીં હોય ચંદાનું ઘાયલ જીગર તો
શૂન્ય પાલનપુરીની એક અદભૂત રચના મનહર ઉધાસના સ્વરમાં.
(આલ્બમ – અરમાન)
Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.
ડંખ દિલ પર કાળ કંટકના સહન કીધાં વગર
પ્રેમ કેરા પુષ્પને ચૂમી શકે ના કો અધર
કાંસકીને જો કે એના તનનાં સો ચીરાં થયા,
તો જ પામી સ્થાન જઈને એ પ્રિયાની ઝુલ્ફ પર.
*
નહીં હોય ચંદાનું ઘાયલ જીગર તો
અલૌકિક પ્રણયની કદર કોણ કરશે
સિતારા બની જો ચમકશે ન આંસુ,
જગે પ્રેમગાથા અમર કોણ કરશે … નહીં હોય
સમજવો નથી સાર કૈં જિંદગીનો
કે સમજીને સુખથી બસર કોણ કરશે
છિપાવી ગયું પ્યાસ મૃગલું જો એની
તો મૃગજળની સામે નજર કોણ કરશે … નહીં હોય
નથી કોઈ પણ માર્ગદર્શક અમારો,
નથી ક્યાંય પણ કોઈ મંઝિલ અમારી,
મુસીબત ઉઠાવી ફકત મોજ ખાતર,
અમારી અદાથી સફર કોણ કરશે … નહીં હોય
પીવાડો ગગન ડોકથી આંખ ઢાળી,
અમારી તરસ કેરો ઉપકાર માની,
ભરેલી હશે જો અમારી નજર તો,
તમારી નજર પર નજર કોણ કરશે … નહીં હોય
નજર રૂપની એટલે એક પારો,
હૃદય પ્રેમનું એટલે એક જ્વાળા,
સમાવ્યો છે પારો અમે આગ માંહે,
જીગર ‘શૂન્ય’ એવું અવર કોણ કરશે … નહીં હોય
- ‘શૂન્ય’ પાલનપુરી
December 16th, 2009 at 5:31 pm
પીવાડો ગગન ડોકથી આંખ ઢાળી,
અમારી તરસ કેરો ઉપકાર માની,
ભરેલી હશે જો અમારી નજર તો,
તમારી નજર પર નજર કોણ કરશે
’શૂન્ય’ હંમેશા શૂન્યમાથી સર્જન કરતા એવી પ્રતિતી થાય.
December 16th, 2009 at 11:24 pm
My favorite one – for years I was humming this!!! Those Golden days……. are unforgetablle. Thank you for awaken my sweet memories…
પીવાડો ગગન ડોકથી આંખ ઢાળી, અમારી તરસ કેરો ઉપકાર માની,
ભરેલી હશે જો અમારી નજર તો, તમારી નજર પર નજર કોણ કરશે
December 17th, 2009 at 4:36 am
ખુબ સુન્દર રચના માણી. સુમધુર સ્વરમાં…
નહીં હોય ચંદાનું ઘાયલ જીગર તો
અલૌકિક પ્રણયની કદર કોણ કરશે
હાલમાં જ આભાર નામે ૨૫મો આલ્બમ રિલીજ કર્યો નહી ?
આ રચના બ્લોગ પર મુકવા દક્ષેશ તથા મીતિક્ષાનો આભાર.
December 17th, 2009 at 7:29 pm
મનહરભાઈએ આ ગઝલ બહુ જ દિલથી ગાઈ છે, જો કે શુન્યભાઈની ગઝલ પણ લાજવાબ છે.
December 20th, 2009 at 8:30 am
લાજવાબ ગઝલ અને એવું જ સુંદર સ્વરાંકન!
સુધીર પટેલ.
December 20th, 2009 at 6:21 pm
ખૂબ સરસ.
December 21st, 2009 at 3:51 am
Ghanu saras, gujrati bhasa nu aa milan sthan.
December 26th, 2009 at 8:21 pm
અત્યંત સરસ. મારા ખ્યાલથી તો કતલ કરી શકે તેવી રચના. શૂન્ય પાલનપુરીની.
March 3rd, 2010 at 2:44 pm
ખરેખર…….. આ અદભુત રચનાના બોલની હું ઘણા બધા વખતથી શોધખોળ કરી રહ્યો હતો. મનહરભાઈએ બહુ દિલથી આ ગઝલને ગાઈ છે.