બને ખરું !

મિત્રો, આજે મારી એક સ્વરચિત કૃતિ રજૂ કરું છું. આશા છે એનું પઠન પણ આપને ગમશે.

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

અમથુંય ધારણાને છળવાનું બને ખરું,
એકાદ શક્યતાને ચણવાનું બને ખરું.

જેની કદી કરી ન હો જીવનમાં કલ્પના,
મૃગજળ મહીંય કો’દિ તરવાનું બને ખરું.

સ્થાપિત યુગો યુગોના રસમો રીતિ રિવાજ,
તોડી, ધનુષ વિનાયે વરવાનું બને ખરું.

સૂરજને ઝંખના છે જેની યુગો યુગોથી,
પૂનમના ચાંદને પણ અડવાનું બને ખરું.

અંતરના આયનામાં ઝૂકી જરા જુઓ તો,
અણધારી શખ્શિયતથી મળવાનું બને ખરું.

મુશ્તાક હો ભલેને પુરુષાર્થ પર તમે,
ક્યારેક શીશ ચરણે ધરવાનું બને ખરું.

‘ચાતક’ તમે ભલે હો સ્વાતિના ખ્વાબમાં,
સુક્કી ધરામાં કાયમી રહેવાનું બને ખરું.

– દક્ષેશ કોન્ટ્રાકટર ‘ચાતક’

COMMENTS (23)

સ્થાપિત યુગો યુગોના રસમો રીતિ રિવાજ,
તોડી, ધનુષ વિનાયે વરવાનું બને ખરું.

ખૂબ સરસ

Reply

બીજો અને પાંચમો શેર, ગમ્યા.
નવીન અને અવગત કલ્પનાઓની…. સરસ રજુઆત !

Reply

સુંદર કૃતિ,
આ પંક્તીઓ વધુ ગમી.
અમથુંય ધારણાને છળવાનું બને ખરું,
એકાદ શક્યતાને ચણવાનું બને ખરું.

જેની કદી કરી ન હો જીવનમાં કલ્પના,
મૃગજળ મહીંય કો’દિ તરવાનું બને ખરું.
પઠન મઝાનું પણ હવે આશા તરન્નુમની…

દક્ષેશભાઈ……
આ સ્વાર્થને જ માત્ર ઓળખતી અને પોષતી મતલબી દુનિયામાં બધું જ બને………! આપણે પીઠ અને છાતી બન્ને પર થતાં ઘાવ પર નજર રાખવાની, કોણ ક્યારે ક્યાં અને કઈ રીતે ‘ઈજા’ કરી જાય નક્કી નથી……! આ સમયમાં, લાગણીશીલ હોવું એ જ ગુન્હો છે

Reply

જેની કદી કરી ન હો જીવનમાં કલ્પના,
મૃગજળ મહીંય કો’દિ તરવાનું બને ખરું.

ખુબ સુન્દર કલ્પના છે…

મુશ્તાક હો ભલેને પુરુષાર્થ પર તમે,
ક્યારેક શીશ ચરણે ધરવાનું બને ખરું.

દક્ષેશ, ખુબ સુન્દર ગઝલ …માણસ હંમેશ પુરુષાર્થને જ બધો યશ ના આપી શકે..
આખી ગઝલ જ સરસ છે અને તમારા અવાજમાં વળી એકદમ ગળે ઉતરી જાય અને આસ્વાધ્ય બને છે..
વાહ બહુ મજા આવી ગઈ…

સરસ રચના.

મન હોય તો મળવે જવાય ? વિધાનની જ્ગ્યાએ પ્રશ્નાર્થથી અનોખું ભાવવિશ્વ રચાયું છે.
ગાગા લગા લગાગા ના બે આવર્તનોમાં રચના જો બરાબર ફીટ થઈ હોત તો સુંદર ગઝલ બનત.

અમથુંય ધારણાને છળવાનું શું બને?
એકાદ શક્યતાયે ચણવાનું શું બને?

સૂરજને ઝંખના છે જેની યુગો યુગોથી,
પૂનમના ચાંદને પણ અડવાનું બને ખરું.

અંતરના આયનામાં ઝૂકી જરા જુઓ તો,
અણધારી શખ્શિયતથી મળવાનું બને ખરું.

ખુબ જ સુંદર શેર .. અને એવુ જ સુંદર પઠન …! અભિનંદન ..

સારી અને સાફ સુથરી રચના છે. ખૂબ આશા જન્મે છે તમારી આગામી રચનાઓ માટે.

જેની કદી કરી ન હો જીવનમાં કલ્પના,
મૃગજળ મહીંય કો’દિ તરવાનું બને ખરું.

દક્ષેશભાઈ..કલ્પનાની પરિસિમા.અને આ લાઈનનો જવાબ હા છે.. બધા મૃગજળમાં જ તરતા હોય છે. લો મારી ગઝલનો મક્તો મળી ગયો..મને
કલ્પનામા ઉડવા દો મને,
મૃગજળમા તરવા દો મને,
વાસ્તવીકતાના નગરો છોડો,
ચંદ્રમા સાથે રમવા દો મને..
સપના

હાથમાં હોય ના કલમ તોય મન મારું કવિ બને ખરું………

Reply

અંતરના આયનામાં ઝૂકી જરા જુઓ તો,
અણધારી શખ્શિયતથી મળવાનું બને ખરું.
આ શેર સૌથી વધુ ગમ્યો.
વાહ….ખુબ જ સરસ…શીરાની જેમ ગળે ઉતરી ગઈ તમારા પઠન સાથે કવિતા..મને કહી શકો કે તમે આ રીતે પઠન-ઓડીઓ કઈ રીતે અપલોડ કર્યો મને પણ મન છે પણ બહુ ધ્યાનમા નથી..કદાચ યુ-ટ્યુબમાં આ રીતે અપલોડ કરી શકાય કેમ? સરળમાં સરળ રીત બતાવશો એવી આશા. તમારો દિવસ કુશળ મંગળ રહે.
– સ્નેહા-અક્ષિતારક.

Reply

આખી ગઝલ જ આસ્વાધ્ય છે.વાહ !બહુ મજા આવી ગઈ.
-ડૉ. બિપિન કૉન્ટ્રાકટર

Reply

ખૂબ જ સુંદર રચના અને ભાવવાહી પઠન!
સુધીર પટેલ.

1 2

Leave a Comment

Comment (required)

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Name (required)
Email (required)