કૃષ્ણ સુદામાની જોડી
આર્થિક અસમાનતા મિત્રતામાં આડે આવે છે ખરી ? આ પ્રશ્ન જ્યારે પણ પૂછાય છે ત્યારે કૃષ્ણ અને સુદામાની મૈત્રીનું ઉદાહરણ અવશ્ય અપાય છે. સાંદિપની ઋષિ પાસે ભગવાન કૃષ્ણ જ્યારે શિક્ષા લેવા ગયા ત્યારે સુદામા તેમના સહાધ્યાયી બનેલા. આશ્રમમાં તો બધા છાત્ર સરખા પરંતુ સમય જતાં ભગવાન કૃષ્ણ ઐશ્વર્યના સ્વામી બની દ્વારિકાના રાજમહેલમાં મહાલે છે તો સુદામાના નસીબે નિર્ધન દશામાં ઝૂંપડીમાં જીવન વિતાવવાનું આવે છે. સુદામાની પત્ની દરિદ્રતા દૂર કરવા સંતાનો ખાતર એક વાર બાળસખા કૃષ્ણની મુલાકાત લેવા વિનવે છે. સુદામા ભગવાન કૃષ્ણના મહેલ જાય છે… અને પછીની વાત જગજાહેર છે. એ અમર પ્રેમ, મૈત્રી અને મુલાકાતનું રોમાંચિત વર્ણન આ ગીતમાં થયેલ છે. એમાંય પુરુષોત્તમભાઈના સ્વરમાં (આલ્બમ-સુરાવલી) આ ગીત સાંભળી ઉન્માદ (બીજો શબ્દ સૂઝતો નથી!) થયા વિના ન રહે. વારંવાર સાંભળવું ગમે તેવું આ મધુરું ગીત માણો બે ભિન્ન સ્વરોમાં.
Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.
Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.
નહીં રે જાણેલી, કદી નહીં રે માણેલી
જેની ગોઠડી તોડાય નહીં તોડી, સંતો રે એવી કૃષ્ણ સુદામાની જોડી.
દ્વારિકાના નાથનો ઉંચેરો મહેલ છે
દીન રે સુદામો આવી બારણે ઉભેલ છે
વ્હાલો ઝૂલે હિંડોળા ખાટ, રાણી રુક્ષ્મણીની સાથ
ત્યાં તો જાણી એવી વાત, સુદામો જુએ પ્રભુની વાટ
આવે શામળિયો સામેથી દોડી દોડી રે એવી કૃષ્ણ સુદામાની જોડી.
સાહ્યબી નિહાળીને સુદામો શરમાય છે
તાંદુલની પોટલી ધરતાં ખચકાય છે
વ્હાલો માંગી માંગી ખાય, ફાકે ચપટી ને હરખાય
કૌતુક જોનારાને થાય, એવું શું છે તાંદુલ માંહ્ય
માધવ મૂલવે મીઠપ હાથ જોડી જોડી રે એવી કૃષ્ણ સુદામાની જોડી.
- રચનાકાર (?)
November 5th, 2009 at 12:23 am
સરસ ગીત ………ગમતાનો ગુલાલ …આભાર !!!!
November 5th, 2009 at 12:21 pm
Gud… Gud job by provider… really nice…
November 8th, 2009 at 2:27 am
ખુબ ખુબ ભાવવિભોર બની જવાયું આ રચના સાંભળી… ભાવાવેશ. ધન્યવાદ દક્ષેશ ને આ સુંદર બ્લોગના સંચાલિકા મીતીક્ષાને. તમારી સહિત્યપ્રીતિને શત શત પ્રણામ.
November 14th, 2009 at 8:41 pm
It a true pleasure for the ears and soul to listen to this old song. I applaud Daxeshbhai and Mitiksha for this wonderful blog. I just came upon your blog but I intend to be a frequent visitor, thank you.
December 10th, 2009 at 7:59 pm
i am frequent visitor of your site in fact everyday.. ,its amazing… jane khovai javyu,,, krishna ane sudama najar same aavi gaya ane aankh ma pani aavi gaya… thank you for giving us these things..
December 29th, 2009 at 4:07 am
ખરેખર મન અને હૃદય પ્રફુલ્લિત થયું.
આ સદીમાં આવું ક્યાંથી મળી શકે?
હાર્દિક આભાર.
April 27th, 2010 at 11:54 am
આ ગીત મે ૨૦૦૯ નવરાત્રી માં મારી સોસાયટી નાં મિત્ર નાં મોબાઈલ માં સાંભળ્યું
હતું. ખરેખર જે મિત્ર નો પ્રેમ દર્શાવેલ છે આ ગીત માં.
કૌશલ પારેખ – વીણેલામોતી
September 5th, 2011 at 12:49 pm
really very excellent. Purshotam Upadhyay has given two different Rag. Whenever I get time, I open this Web-site to get entertainment.