Press "Enter" to skip to content

દીકરી તો પારકી થાપણ કહેવાય


ગુજરાતી ફિલ્મો સિનેમાઘરમાં જઈને ભાગ્યે જ જોઈ હશે. જે થોડીક જોઈ તે ટીવી પર. પણ કેટલીક ગુજરાતી ફિલ્મના ગીતો હૃદય પર કોરાઈ ગયેલાં છે. આજે એવું જ એક ગીત જે મને ખુબ ગમે છે, સાંભળીએ. પોતાની લાગણીઓને સંયમિત રાખનાર પિતા કન્યાની વિદાય સમયે ધ્રુસકે ધ્રુસકે રોઈ પડે છે. કન્યાની વિદાય એ લાગણીશીલ માતાપિતા માટે વજ્રઘાત સમી ઘટના છે, એનું સંવેદનાસભર ચિત્રણ આ ગીતમાં થયેલ છે. આ ગીત સાંભળી દરેક સ્ત્રીને પોતાના લગ્ન સમયે પિયરમાંથી વિદાય થવાની ઘટના યાદ આવે અને દરેક પુરુષને પોતાની બેન કે પુત્રીને આપેલી વિદાય સાંભરશે.
*
ફિલ્મ: પારકી થાપણ; સંગીત: ગૌરાંગ વ્યાસ; સ્વર: લતા મંગેશકર

*
સ્વર- ઐશ્વર્યા મજમૂદાર

*
બેના રે..
સાસરીયે જાતાં જોજો પાંપણ ના ભીંજાય,
દીકરી તો પારકી થાપણ કહેવાય
દીકરી ને ગાય, દોરે ત્યાં જાય,
દીકરી તો પારકી થાપણ કહેવાય

બેની તારી માથે બાપનો હાથ હવે નહી ફરશે
રમતી’તી તું જે ઘરમાં એની ભીંતે-ભીંતો રડશે
બેના રે.. વિદાયની આ વસમી વેળા રોકે ના રોકાય
દીકરી તો પારકી થાપણ કહેવાય

તારા પતિનો પડછાયો થઈ, રહેજે સદાયે સાથે
સોહાગી કંકુ સેંથામાં, કંકણ શોભે હાથે
બેના રે.. તારી આ વેણીનાં ફૂલો કોઈ દિ ના કરમાય
દીકરી તો પારકી થાપણ કહેવાય

આમ જુઓ તો આંસુ સૌનું પાણી જેવું પાણી
સુખનું છે કે દુ:ખનું એ તો કોઈ શક્યું ના જાણી
બેના રે.. રામ કરે સુખ તારું કોઈ દિ નજર્યું ના નજરાય
દીકરી તો પારકી થાપણ કહેવાય

– અવિનાશ વ્યાસ

11 Comments

  1. Paresh
    Paresh October 25, 2009

    excellent collection.

  2. Jayesh Upadhyaya
    Jayesh Upadhyaya November 4, 2009

    જરા ચકાસી જોશો. મારી જાણ મુજબ આ ગીત ઉષા મંગેશકરે ગાયું છે.

  3. પરાગ સોની
    પરાગ સોની November 30, 2009

    બહુ સરસ……

  4. Bhargavi Lenin Vaishnav
    Bhargavi Lenin Vaishnav December 6, 2009

    બહુ જ સરસ…. બહુ જ ગમ્યુ.

  5. Dr. Lenin Baburajan
    Dr. Lenin Baburajan December 6, 2009

    બહુજ સરસ

  6. Anil Patel
    Anil Patel December 18, 2009

    Excellent song from Avinashji collections.

  7. firoz brahmbhatt
    firoz brahmbhatt March 27, 2010

    વોટ એ ગીત.

  8. Mamta Tulsiram Joshi Vasaivala
    Mamta Tulsiram Joshi Vasaivala May 9, 2011

    પિતાના કુલની અને પતિના કુલની લાજ જે દિકરીઓ પોતાનું કર્તવ્ય સમજી સંબંધ સાચવે છે તેવી કાળજાના કટકાને માતાપિતાની લાગણી અને પ્રેમસભર આ ગીત રડાવી ગયું.

  9. Ami - Kiran
    Ami - Kiran July 30, 2011

    Thank you Mitixaben ..

  10. Pratap Gadhvi
    Pratap Gadhvi February 26, 2013

    જયારે સાંભળું છું આ ગીત, સ્થાન ભાન ભૂલી જવાય છે,,,કારણકે આંસુથી બંને આંખ છલકાઈ જાય છે…..

Your email address will not be published. Required fields are marked *

This site uses Akismet to reduce spam. Learn how your comment data is processed.