આંખોમાં હોય તેને શું?
મિત્રો, આજે એક મજાનું ગીત. એની પહેલી પંક્તિ જ મને ખુબ પ્રિય છે. દરિયામાં હોય એને મોતી કહેવાય પણ પ્રિયતમ વાટ જોતાં, એને મળવાના ઉન્મેષમાં, એના વિરહમાં, પ્રેમની વિવિધ અભિવ્યક્તિ સમયે આંખમાં આવતા આંસુઓને શું કહેવાય ? સાંભળો આ મજાનું ગીત સાધના સરગમના સ્વરમાં.
(આલ્બમ – હસ્તાક્ષર)
Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.
દરિયામાં હોય એને મોતી કહેવાય છે, તો આંખોમાં હોય તેને શું?
… અમે પૂછ્યું: લે બોલ હવે તું.
પંખી વછોઈ કોઈ એકલી જગ્યાને તમે માળો કહેશો કે બખોલ?
જોવાતી હોય કોઈ આવ્યાની વાટ ત્યારે ભણકારા વાગે કે ઢોલ?
બોલો સુજાણ, ઊગ્યું મારામાં ઝાડવું કે ઝાડવામાં ઊગી છું હું? … અમે પૂછ્યું.
ઊંચી ઘોડી ને એનો ઊંચો અસવાર: એના મારગ મોટા કે કોલ મોટા?
દરિયો તરવાની હોડ માંડે તો દરિયાનું પાણી જીતે કે પરપોટા?
સૂરજ ન હોય તેવી રાતે ઝીંકાય છે એ તડકાઓ હોય છે કે લૂ? … અમે પૂછ્યું.
- રમેશ પારેખ
October 15th, 2009 at 4:00 pm
રમેશ પારેખનું ગીત માણ્યું ..ખુબ સ્પષ્ટ સંગીત અને કંપોઝીશન પણ કમાલનું..આમ આપણી સવાર સુધરી સરસ્વતીના અભિવાદનથી. સાંજે શ્રીસૂક્તમ ગવાય તો ગવાય પણ મારી પાસે સાહિત્ય સિવાય જગને વહેંચવા કશું નથી…
મીતિક્ષાને, દક્ષેશભાઈ ને તથા સમગ્ર પરિવારને ધનતેરસના દિને દીપાવલિ અભિનંદન તમે ખુબ સુંદર ગુર્જરી સાહિત્યનું કામ કરો છો તે માણતા રહીએ છીએ અને બિરદાવીએ છીએ..
સદા અજવાશ દીપક આપતો ખુદને જલાવીને
ફકત ઉપદેશ ના દે દંભના ચહેરા બતાવીને
નવલ મિત્રો, નવલ પ્રિતો, નવલ જીતો, નવલ ગીતો
નવલ મૌસમ સદા આવે જૂના પર્ણો ખરાવીને
-દિલીપ ગજજર
October 17th, 2009 at 11:39 pm
આ પંક્તિને અમે એક રમૂજી ઉખાણા તરીકે લઈએ છીએઃ
દરિયામાં હોય એને મોતી કહેવાય છે, તો આંખોમાં હોય તેને શું?
જવાબઃમોતિયો.
November 8th, 2009 at 11:13 am
Doctor, this appears to be an optometrist’s observation. Good one!