ઘેરાતી રાત તને યાદ છે?
ગુજરાતી સાહિત્યને અનેક યાદગાર રચનાઓ આપી થોડાં સમય પહેલાં જ અલવિદા કહી જનાર છ અક્ષરનું નામ રમેશ પારેખ. એમના નામથી ભાગ્યે જ કોઈ સાહિત્યરસિક અજાણ હશે. અનોખા ભાવ-સંવેદનો દ્વારા વાચકને એક અનોખી દુનિયાનો અનુભવ કરાવતી એમની રચનાઓ વારંવાર વાંચવાની મજા પડે તો એને સૂરમાં મઢેલી સાંભળવામાં કેવો આનંદ થાય ? આજે એમની એવી જ એક સુંદર રચના માણીએ.
[આલ્બમ: હસ્તાક્ષર, સંગીત: શ્યામલ-સૌમિલ, સ્વર: પાર્થિવ ગોહિલ]
Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.
મારી આંખમાં તું વહેલી સવાર સમું પડતી,
ને ઘેરાતી રાત મને યાદ છે, ઘેરાતી રાત તને યાદ છે?
સોનેરી પોયણીઓ ઉઘડતી હોઠમાં ને
થાતું પરભાત મને યાદ છે, થાતું પરભાત, તને યાદ છે?
ખરબચડું લોહી થતું રૂંવાટીદાર, એવું ચોમાસું ચાર ચાર નેણનું;
ધોધમાર પીંછાનો પડતો વરસાદ, ગામ આખું તણાઈ જતું વેણનું.
છાતીની ઘુમરીમાં ઘુમી ઘુમીને ક્યાંક,
ખોવાતી જાત મને યાદ છે, ખોવાતી જાત તને યાદ છે?
સૂરજ વિનાના અને છાંયડા વિનાના ધોમ તડકા સૂસવાટે હવે રાતના;
લોચનની ભાષામાં ઘટના કહેવાય અને જીવતરની ભાષામાં યાતના.
આવેલું શમણું પણ અવસર થઈ જાય એવા,
દિવસોની વાત મને યાદ છે, દિવસોની વાત તને યાદ છે?
મારી આંખમાં તું વહેલી સવાર સમું પડતી ને
ઘેરાતી રાત મને યાદ છે, ઘેરાતી રાત તને યાદ છે?…
- રમેશ પારેખ
July 9th, 2009 at 9:27 pm
અદ્ભુત કલ્પના..
July 10th, 2009 at 2:28 am
આ અગાઉ હમણાંજ ‘ટહુકો’માં કવિશ્રી રમેશ પારેખનો, કવિશ્રી મનોજ ખંડેરિયાને શ્રધ્ધાંજલિ આપતો સુર સાંભળ્યો.
બન્ને સમ્રાટો એમનો વારસો ચાહકોને સોંપી ગયા.
આભાર.
July 13th, 2009 at 9:23 pm
કોઇ શબ્દ નથી.
July 13th, 2009 at 10:31 pm
હોય ભલે આકાશ તારી આંખોમાં તારો એક હુંએ છુ . સરસ રચના
August 22nd, 2009 at 12:12 am
chakali ni hunf bhari chhatiye lakhi ne sakhi maro sandesh tane mokalu. R.Pa. ne kon bhule
February 20th, 2010 at 11:48 pm
મારી આંખમાં તું વહેલી સવાર સમું પડતી ને
ઘેરાતી રાત મને યાદ છે, ઘેરાતી રાત તને યાદ છે?…સરસ રચના
November 28th, 2010 at 1:11 pm
આ સ્વરબદ્ધ રચના યાદ અપાવવા બદલ આભાર દક્ષેશભાઇ … !