અલગ અલગ આ શ્વાસ જવા દે
મિત્રો આજે મારી એક સ્વરચિત કૃતિ. વર્ષાઋતુના પગરણ થઈ ચુક્યા છે. વર્ષા એટલે પ્રેમની ઋતુ. એમાં સમગ્ર પ્રકૃતિ – પશુ, પક્ષીઓ, જીવજંતુ સર્વે પ્રણયના રંગે રંગાઈ જાય તો આપણે સહુ શા માટે બાકાત રહીએ ? વર્ષા એટલે પ્રેમના પ્રગાઢ આલિંગનનું પ્રકૃતિનું ઈજન; બેમાંથી એક થવાનું, અસ્તિત્વને ઓગાળવાનું અને લાગણીઓના અભિષેકનું આહવાન. પ્રેમમાં ધોધમાર વરસાદ જ હોય, સીમાઓને ઓળંગવાનું હોય, કાંઠા તોડી વહી જવાનું હોય, તરબતર થવાનું હોય. એવા જ કંઈક ભાવોને વ્યક્ત કરતી મારી આ રચના માણો.
(અને હા, એ કહેવાનું રહી ગયું કે આજે કે આજે મીતિક્ષાબેન અને મીતિક્ષા.કોમ – બંનેનો જન્મદિવસ છે. આજે મીતિક્ષા.કોમને એક વરસ પૂરું થાય છે. તમારા સૌના ઉમળકાભેર મળેલ સાથ-સહકાર બદલ હૃદયપૂર્વકનો આભાર.)
રાત જવા દે, વાત જવા દે, મોસમની ફરિયાદ જવા દે,
એકમેકમાં ઓગાળી દે, અલગ અલગ આ શ્વાસ જવા દે.
ચાલ કરીએ સ્નેહે નર્તન, પ્રેમપત્રનું પુનરાવર્તન
ઝરમર ઝરમર ઝરતાં જળમાં, લાગણીનો અભિષેક થવા દે.
સ્થિર જીવનમાં પ્રેમ લપસણી, સાંજ બની છે કંકુવરણી,
ક્ષણની ક્ષીણ ક્ષિતિજ પર આજે, રેશમી તું પરભાત થવા દે.
તું યૌવન-ભરપૂર સુરાહી, અધરોથી છલકાતી પ્યાલી
ઢોળાઈને આજ ધરા પર, એને તું આબાદ થવા દે.
‘ચાતક’ની ધરતી છે પ્યાસી, છલકે રોમેરોમ ઉદાસી
એક અષાઢી સાંજ થઈ તું ધોધમાર વરસાદ થવા દે.
- દક્ષેશ કોન્ટ્રાકટર ‘ચાતક’
July 1st, 2009 at 9:23 am
અભિનંદન…
પ્રથમ વર્ષ સમાપનને અને દ્વિતિય વર્ષ્ શુભ શરુઆતની. જે પહેલાથી પણ વધુ કાર્યકારી બને તેવી પ્રભુને પ્રાર્થના
July 1st, 2009 at 9:29 am
ચાતક’ની ધરતી છે પ્યાસી, છલકે રોમેરોમ ઉદાસી
એક અષાઢી સાંજ થઈ તું ધોધમાર વરસાદ થવા દે.
વાહ
અને સાંપ્રત પરિસ્થિતિમા સ્થુળ સ્વરુપે પણ અમીછાંટણા થવા દે…
July 1st, 2009 at 9:42 am
એક અષાઢી સાંજ થઈ તું ધોધમાર વરસાદ થવા દે…
વાહ મિત્ર… ખુબ જ સુંદર…
July 1st, 2009 at 10:00 am
સુંદર રચના !
અપૂર્વ અભિવ્યક્તિ અને લયનો કોમળતા જોવા મળી.
બ્લોગના જન્મદિવસની ખૂબ ખૂબ વધાઈ !
ઉત્તરોત્તર પ્રગતિ કરતા રહો એ જ પ્રાર્થના !
અભિનંદન !
July 1st, 2009 at 10:16 am
દક્ષેશભાઈ,
જન્મદિને મિતિક્ષાબેન અને આપને પણ ખૂબ ખૂબ શુભેચ્છાઓ…..
રાત જવા દે, વાત જવા દે, મોસમની ફરિયાદ જવા દે,… સરસ !!
July 1st, 2009 at 11:17 am
દ્વિતીય વર્ષમાં પ્રવેશ બદલ ખૂબ ખૂબ અભિનંદન…
સુંદર ગઝલ… પણ કાફિયા-રદીફમાં થોડી ગરબડ થઈ ગઈ છે…
July 1st, 2009 at 11:51 am
દક્ષેશભાઈ,
જન્મદિને મિતિક્ષાબેન અને આપને પણ ખૂબ ખૂબ શુભેચ્છાઓ…..
રાત જવા દે, વાત જવા દે, મોસમની ફરિયાદ જવા દે,
એકમેકમાં ઓગાળી દે, અલગ અલગ આ શ્વાસ જવા દે.
વાહ.. કેટલી સરસ વાત… લય તો લાજવાબ છે..
July 1st, 2009 at 1:17 pm
મિતિક્ષાબેન અને આપને ખૂબ ખૂબ શુભેચ્છાઓ …આપ આમ જ પ્રગતિ ના સોપન સર કરો એવી પ્રભુ ને પ્રાર્થના…
July 1st, 2009 at 1:19 pm
ચાલ કરીએ સ્નેહે નર્તન, પ્રેમપત્રનું પુનરાવર્તન
ઝરમર ઝરમર ઝરતાં જળમાં, લાગણીનો અભિષેક થવા દે.
ખુબ જ સુન્દર અભિવ્યક્તિ …
July 1st, 2009 at 1:23 pm
ક્ષણની ક્ષીણ ક્ષિતિજ પર આજે, રેશમી તું પરભાત થવા દે.
દક્ષેશ બહોત ખુબ..મને એમ થયું કે કફિયા રદીફનો નવો પ્રયોગ કે શુ ?
મીતિક્ષાબેનને જન્મદીન ના ખુબ ખુબ અભિનંદન
સાથે સાઈટને આગામી વર્ષની લેસ્ટરગુર્જરી તરફથી શુભેચ્છાઓ
July 1st, 2009 at 2:07 pm
સુંદર રચના. અભિનંદન. મીતિક્ષાબેન અને મીતિક્ષા ડોટ કોમ-એ બન્નેના જન્મદિન નિમિત્તે અઢળક શુભેચ્છાઓ.
July 1st, 2009 at 3:26 pm
મીતિક્ષાબેન અને મીતિક્ષા ડોટ કોમ બન્નેને જન્મદિનની વધાઈ.
સ્વરચિત કૃતિ મઝાની છે.
July 1st, 2009 at 4:33 pm
સુંદર લયબધ્ધ રચના.
શુભકામના.
July 1st, 2009 at 9:20 pm
દ્વિતીય વર્ષના હાર્દિક અભિનંદન!
સુંદર વર્ષા-ગઝલ!
સુધીર પટેલ.
July 1st, 2009 at 11:47 pm
જન્મદિન મુબારક- મીતિક્ષા અને મીતિક્ષા.કોમ બન્નેને
વિવેકભાઈએ આગળ ધ્યાન દોર્યું છે એટલે રીપીટ નથી કરતો પણ આગળ-ઉપર પરફેક્શન બાબતે સતર્ક રહેવાથી રચનાઓમાં નિખાર આવી શકે છે.-વિચારી જોજો.
July 2nd, 2009 at 2:09 am
ખુબ સરસ જાને કે મોસમ નો પહેલો વરસાદ્;
July 2nd, 2009 at 7:36 am
એક અષાઢી સાંજ થઈ તું ધોધમાર વરસાદ થવા દે.
ખૂબ સુંદર રચના! અભિનંદન. મીતિક્ષા અને મીતિક્ષા ડોટ કોમ-એ બન્નેને જન્મદિન નિમિત્તે ખરા દિલની શુભેચ્છાઓ.આગામી વર્ષ માટે ખૂબ ખૂબ ખૂબ શુભેચ્છાઓ!
July 2nd, 2009 at 9:07 am
સરસ ગઝલ થઈ છે.વરસાદના મૌસમને લગતી. મજા આવી!!
મીતિક્ષાબેન તથા મીતિક્ષા.કોમ ને ખૂબ ખુબ શુભેચ્છાઓ!!
સપના
July 2nd, 2009 at 9:10 am
રાત જવા દે, વાત જવા દે, મોસમની ફરિયાદ જવા દે,
એકમેકમાં ઓગાળી દે, અલગ અલગ આ શ્વાસ જવા દે
આ પંકતિઓ ગમી!
સપના
July 2nd, 2009 at 10:33 am
સુંદર લયબધ્ધ રચના.
દ્વિતીય વર્ષમાં પ્રવેશ બદલ ખૂબ ખૂબ અભિનંદન
July 2nd, 2009 at 11:16 am
વહાલાં મીતીક્ષાબહેન અને ભાઈ દક્ષેશ,
આજે પહેલી જ વાર તમારો બ્લોગ જોયો, વર્ષા ઋતુના ઉત્કટ અને બળુકા પ્રેમની સબળ કૃતી વાંચી અને તમારી અને ભાઈ દક્ષેશ વીશેની વીગતો વાંચી.. ખુશ થઈ જવાયું.. આનંદ અને અભીનન્દ.. તમ બન્ને ભાભી–દીયરને..
જીવનની પળેપળ જીવીએ અને વહાલી ગુજરાતી માતાની સેવા કરતા રહીએ..
મીતીક્ષા ડૉટ કૉમને એક વરસ થયું.. અભીનન્દન.. સારી પ્રગતી કરી છે…
July 3rd, 2009 at 12:31 pm
‘ચાતક’ની ધરતી છે પ્યાસી, છલકે રોમેરોમ ઉદાસી
એક અષાઢી સાંજ થઈ તું ધોધમાર વરસાદ થવા દે.
સુંદર…
એક વર્ષની સફળ આનંદ યાત્રા માટે અને જન્મ દિવસના અભિનંદન
July 12th, 2009 at 10:03 pm
બહુ સરસ ભાઇ મજા આઈ વરસાદ વગર આ સાદથી મજા આવી.