ચાલ મળીએ કોઇ પણ કારણ વિના

સંબંધને નામ આપવું જ પડે એવું થોડું છે ? સમાજ ભલે સંબંધોને લેબલ લગાવે પણ એવા કોઈપણ નામ વગરના સંબંધે પણ મળી શકાય, હૃદયના ભાવોની આપ-લે કરી શકાય, એકબીજાના મનના ભાવોને વાંચી શકાય. હા એમાં ઘણી રુકાવટો આવવાની. પરંતુ એમ વિરોધો અને વિઘ્નોને પાર કર્યા વગર કોઈને ઇપ્સિત વસ્તુ કદી મળી છે ? તો ચાલ મળીએ … પરંતુ અંતની કડીમાં એ પ્રસ્તાવનો ઉત્તર મળતો નથી…. કદાચ હજુ કવિ સમયથી આગળ છે કે સામેના પાત્રની કોઈ મજબૂરી. નક્કી આપણે કરવાનું છે. ભાવની અભિવ્યક્તિ માટે શબ્દોના ભપકાની જરૂર નથી એના પુરાવા રૂપ આ સુંદર રચના માણો મનહર ઉધાસના સ્વરમાં.

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

ચાલ મળીએ કોઇ પણ કારણ વિના,
રાખીએ સંબંધ કંઇ સગપણ વિના.

એક બીજાને સમજીએ આપણે,
કોઇ પણ સંકોચ કે મુંઝવણ વિના.

કોઇને પણ ક્યાં મળી છે મંઝિલો,
કોઇ પણ અવરોધ કે અડચણ વિના.

આપ તો સમજીને કંઇ બોલ્યા નહીં,
મેં જ બસ બોલ્યા કર્યું, સમજણ વિના.

– બાલુભાઇ પટેલ

COMMENTS (13)
Reply

ચાલ મળીએ કોઇ પણ કારણ વિના,
રાખીએ સંબંધ કંઇ સગપણ વિના.
એક બીજાને સમજીએ આપણે,
કોઇ પણ સંકોચ કે મુંઝવણ વિના.
વ્યહવારમાં અનેક વાર બોલેલી પંક્તીઓ
મધુરા સ્વર ગાયકીમાં માણી મઝા આવી

Reply

ચાલ મળીએ કોઇ કારણ વિના…… આ ગઝલની પહેલી પંક્તિ જ ખૂબ સરસ છે. આજના આ સ્વાર્થવાળા જમાનામાં કોઇ કોઇને કારણ વિના મળતું નથી. ઉપરાંત સગપણ વિનાના સંબંધને પણ ક્યાં કોઇ સમજી શકે છે…..આ ગઝલ મને ખૂબ જ ગમી. આવું સ્પષ્ટ વિચારધારાવાળુ સાહિત્ય તમે શોધીને મૂકો છો તે બદલ અભિનંદન. ફરી ફરી અભિનંદન.

સુંદર રજૂઆત બદલ અભિનંદન બહેના !

સરસ!!! મજા પડી ગઈ. રાખીયે સંબંધ કોઈ સગપણ વિના. વાહ!!!
– સપના

Reply

જો કોઇને રોજ જ કારણ વગર મળવા માટે મન તડપતુ હોય તો તેને સામેની વ્યક્તિ શા માટે આંખોમાં કાંઈ વાંચી શકતી નથી ??? આવું શા માટે થાય છે કે દરીયો તરી જવાય છે ને નદીમાં ડુબી જવાય છે ???

સરસ કાવ્ય.

કોઇને પણ ક્યાં મળી છે મંઝિલો,
કોઇ પણ અવરોધ કે અડચણ વિના.

કાવ્યમાં આવતું પ્રેરક વાક્ય…
——————————–
આપને મારા બ્લોગની મુલાકાત લેવાં આમંત્રણ આપુ છું.
દીપમોતી – ગુજરાતી સાહિત્ય-સાગરમાંથી વિણેલા મોતી…
મારા બ્લોગને આપનાં BlogList માં સમાવવા વિનંતી.

Reply

બહુજ સુંદર ……
આ પંક્તિના શબ્દો સીધા જ દિલમાં ઉતરી જાય એવા છે…

Reply

અતિ સુન્દર ….. શું જગતમાં આવું મળવું શક્ય થાય ? આવી સરસ રચના માટે અભિનંદન.
Really it is very touching. If this is possible then there will be heaven on earth. Keep posting such beautiful rachanas.

Reply

વાહ શુ વાત કરી !

Reply

Deeply heartfelt. very sensitive. Thanks.

Very nice ghazal, words are very nice.

Leave a Comment

Comment (required)

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Name (required)
Email (required)