Press "Enter" to skip to content

તમને સમય નથી


પ્રણયની મધુરી કેડીમાં ક્યારેક જુદાઈના ગીત ગવાય છે. દિલમાં ભારોભાર વ્યથા હોય, મનમાં કેટકેટલા પ્રશ્નો હોય જેના ખુલાસા મેળવવાના અને કરવાના હોય પણ વાત કરવાનો મોકો જ ન મળે. કોઈ સમારંભમાં, કોઈ જાહેર સ્થળે, અન્ય વ્યક્તિઓની ઉપસ્થિતિ વચ્ચે પ્રિયજનને જુઓ પણ વાત ન કરી શકો તો ? મુક્તકમાં એ બેબસીનું કરુણ નિરુપણ છે. તો મત્લાનો શેર એના કારણ વિશે કેટલું સરળતાથી કહી જાય છે. સંબંધોમાં તીરાડની પ્રથમ નિશાની એકમેકને માટે સમયનો અભાવ. એમાંય જ્યારે એક પક્ષે સારો સમય ન હોય, અર્થાત્ કોઈ રીતે અન્ય પ્રેમીની સમકક્ષ ઊભા ન રહેવાનું કારણ હોય તો એવા પ્રેમીના ભગ્ન હૃદયની કથા, એની બેબસીનો ચિતાર અહીં ધ્વનિત થયો છે. માણો બાપુભાઈ ગઢવીની સુંદર રચના મનહર ઉધાસના સ્વરમાં.

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.


દિલનાં દર્દને અશ્રુથી તોલી શક્યા નહીં
હૈયું પરસ્પર આપણે ખોલી શક્યા નહીં
જાલિમ જમાનો બેઉની વચ્ચે હતો એથી
સામે મળ્યા ને કાંઈ પણ બોલી શક્યા નહીં
*
તમને સમય નથી અને મારો સમય નથી
કોણે કહ્યું કે આપણી વચ્ચે પ્રણય નથી ?

રોકી રહી છે તમને તમારી શરમ અને
મારા સિવાય મારે બીજો કોઈ ભય નથી

વિસરી જવું એ વાત મારા હાથ બહાર છે
ને યાદ રાખવું એ તમારો વિષય નથી

હું ઈંતજારમાં અને તમે હો વિચારમાં
એ તો છે શરૂઆત કંઈ આખર પ્રલય નથી.

– બાપુભાઈ ગઢવી

13 Comments

  1. Pragnaju
    Pragnaju April 13, 2009

    મઝાનું ગીત
    સરસ
    મધુર ગાયકી

  2. Ranjan Pandya
    Ranjan Pandya April 14, 2009

    અતિ સુંદર શબ્દરચના………

  3. Darshan
    Darshan April 14, 2009

    ખુબ જ સુન્દર કાવ્ય પ્રસ્તુત કર્યુ તે બદલ આભાર. તેના પ્રત્યેક શબ્દમાં પોતાની છબી જોઉ છું. જો શક્ય હોય તો મારા વતી બાપુભાઈ ને અભિનંદન કહેજો.

  4. Asha M. Bhakta
    Asha M. Bhakta April 14, 2009

    Dear,Daxesh
    you r too good in all poems, gazals . I dont have a word to say how brilliant you r. હું તને જાણું છું એ મારા માટે ગૌરવની વાત છે.

  5. manvant
    manvant April 15, 2009

    બહુ પ્રયત્ને આપ આજે મળ્યા તેથી અનહદ આનંદ થયો બહેના !
    કાવ્ય ને ગાન બન્ને સરસ મજાની છાપ મૂકે એવા ગજબનાં છે હોં !

  6. રોકી રહી છે તમને તમારી શરમ અને
    મારા સિવાય મારે બીજો કોઈ ભય નથી

    ખૂબ સરસ ગીત. કોણે કહ્યું કે આપણી વચ્ચે પ્રણય નથી. વાહ……!

  7. Kirit Patel
    Kirit Patel May 20, 2009

    મનહર ઊધાસ ની ગઝલોમાં મને સૌથી વધુ ગમતી ગઝલ.
    શબ્દગુંથણી અને સ્વર બન્ને અંતરના તાર ઝણઝણાવે.
    પછી બીજું શું જોઇયે ?

  8. Sanat Joshi
    Sanat Joshi May 30, 2009

    Very god poem and well sung
    your collections are just great
    love to enjoy regularly

  9. Smita
    Smita May 17, 2010

    Really heart touching song.
    Always think that how to generat these type of words in your heart.
    I like this song very much.

  10. Rajesh Bhatt
    Rajesh Bhatt January 22, 2011

    ખુબ સરસ મજાનું આ ગીત છે. અને આ મારા દીલની વાત પણ છે.

  11. Dienshbhai Darji
    Dienshbhai Darji October 7, 2012

    Really heart touching song.

  12. Chirag
    Chirag December 4, 2012

    સરસ બહુ ગમ્યુ

  13. મિહિર કાછિઆ
    મિહિર કાછિઆ December 2, 2016

    ખુબ સરસ……આ જ ગઝલ મેં પુરસોત્તમ ઉપાધ્યાયજી ના કૈક અલગ અંદાજ માં સાંભળેલી છે………જો આપની પાસે એ ઉપલબ્ધ હોય તો અહી મુકવા એક સંગીતમય વિવેક કરું છું..આભાર

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.