પ્રતિક્ષાનો માણસ

મિત્રો, આજે મારી એક સ્વરચિત કૃતિ.

મઝધારમાં છે, કિનારાનો માણસ
પરેશાન રણમાં, બગીચાનો માણસ.

સમય સાથ આપે નહીં, તો કરે શું ?
ધરા પર સૂતો છે, મિનારાનો માણસ.

જરા દુઃખ જોઈને રોઈ પડે એ,
ટપકતો કલમથી, કવિતાનો માણસ.

સફર છે સનાતન ને અંજામ એક જ
એ મળવાનો માટીમાં, માટીનો માણસ.

વિધાનો વિધિના બદલવાને કાજે
પુરુષાર્થરત છે, વિધાતાનો માણસ.

અકસ્માત રાખ્યું નથી નામ ‘ચાતક’
જનમજાત એ છે, પ્રતિક્ષાનો માણસ.

– દક્ષેશ કોન્ટ્રાકટર ‘ચાતક’

COMMENTS (14)

ખૂબ સરસ કૃતિ, આપની સ્વરચિત છે એ જાણી વિશેષ આનંદ થયો.

ધન્યવાદ.

સફર છે સનાતન ને અંજામ એક જ
એ મળવાનો માટીમાં, માટીનો માણસ

અદભુત, અદભુત. ખરેખર સુંદર.

વાહ્….. દક્ષેશભાઈ,
સરસ રચના !!

રદ્દીફ, કાફિયા પણ નિરાળા

Reply

મઝધારમાં છે, કિનારાનો માણસ
ધરા પર સૂતો છે, મિનારાનો માણસ
સુંદર
મારી દિકરીની પંક્તી યાદ આવી
નાવ જાણે કે મળવા અધીરી થઈ,
દૂર મઝધારમાં કોણ ઊભું હશે !
કદાચ તેને મળવા નાવ જ આવશે!
કારણ
વિધાનો વિધિના બદલવાને કાજે
પુરુષાર્થરત છે, વિધાતાનો માણસ
અદભુત.

જરા દુઃખ જોઈને રોઈ પડે છે,
એ ટપકતો કલમથી, કવિતાનો માણસ

ખુબબબબબ જ સરસ..

જય શ્રીકૃષ્ણ દક્ષેશભાઈ,
આપે તો આ રચનામાં માનવીની સંવેદનાઓ સાથે સાથે આપના ઉપનામનો પણ પરિચય આપી દીધો.

અકસ્માત રાખ્યું નથી નામ ‘ચાતક’
જનમજાત એ છે, પ્રતિક્ષાનો માણસ.

Reply

એકે એક શેર અદભુત છે.
જીવનની સફરની એક રમત સાથે તુલના કરતું મારું ગદ્યકાવ્ય જરુર ગમશે.
http://gadyasoor.wordpress.com/2008/03/09/sudoku/

ખુબ જ સુંદર રચના થઈ છે દક્ષેશ… અભિનંદન

સરસ રચના,…..ગમી !
હવે, તમે “ચંદ્રપૂકાર ” પર જરૂર પધારશો ને ? ૩ વિડીયો પોસ્ટો અને છેલ્લી “સાપ અને લીસોટા” ની ટુંકી વાર્તા “હોમ” પર છે.
http://www.chandrapukar.wordpress.com

અકસ્માત રાખ્યું નથી નામ ‘ચાતક’
જનમજાત એ છે, પ્રતિક્ષાનો માણસ. વાહ..વાહ…દક્ષેશ..ખુબ માણી

વિધાનો વિધિના બદલવાને કાજે
પુરુષાર્થરત છે, વિધાતાનો માણસ ….સંદેશો મળે છે આપની ગઝલમાં

Reply

ચાતકની કલમમાં ખીલેલી વસંતને માણવાની મઝા કંઈક ઓર જ છે! ગુજરાતી સાહિત્યને આપની કલમથી કંડારવાની આ કલા વરસોના વરસો આવી જ અકબંધ રહે એવી પ્રભુને પ્રાર્થના. અને…….. ચાતક – “ચાતક” જ બની રહે….જેથી અમે આવી સુંદર રચનાઓના વરસાદમાં ભીંજાતા રહીએ!!!!

ખૂબ સરસ રચના છે.

Reply

સફર છે સનાતન ને અંજામ એક જ
એ મળવાનો માટીમાં, માટીનો માણસ

જરા દુઃખ જોઈને રોઈ પડે છે,
એ ટપકતો કલમથી, કવિતાનો માણસ

વાહ ભૈ મજા આવી ગઈ………….ચાતકની પ્રતીક્ષા તો અનન્ય છે તમો એ તમારુ નામ પણ સાર્થક કર્યુ છે.

Reply

“પ્રતિક્ષાનો માણસ”
એકે એક શેર અદભુત છે.
અભિનંદન

Leave a Comment

Comment (required)

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Name (required)
Email (required)