દૂરતા કોઈ વખત મોંઘી પડી
પ્રિય વ્યક્તિનો વિયોગ સાલે તે સ્વાભાવિક છે પરંતુ કેટલીક વાર નીકટ રહેવાથી નીપજતી પરિસ્થિતિ એટલી કરુણ અને દર્દનાક હોય છે કે આપણને એમ થાય કે એના કરતા તો દૂર રહેલા સારા. યાદ આવે છે પેલી પ્રસિદ્ધ પંક્તિઓ …
સ્નેહ છે અગ્નિના જેવો સાવધાન સદા રહો
અતિ દૂર ન દે ઉષ્મા, દહે અતિ સમીપ તે.
આ જ ભાવોને મૂર્ત કરતી જવાહર બક્ષીની મને ખુબ ગમતી રચના એટલા જ સુંદર સ્વરાંકનમાં.
[સ્વર: પુરુષોત્તમ ઉપાધ્યાય અને આશિત દેસાઈ]
Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.
દૂરતા કોઈ વખત મોંઘી પડી,
પણ નિકટતા તો સતત મોંઘી પડી.
જીવવા જેવું જ જીવાયું નહી,
જીવવાની આવડત મોંઘી પડી.
મ્હેંક તારા શહેરમાં સારી હતી,
શ્વાસમાં ગઈ કે તરત મોંઘી પડી.
આમ તો ઘરમાં કશું નહોતું છતાં.
બહાર રહેવાની શરત મોંઘી પડી.
શક્યતાઓમાં સતત સળગ્યા કર્યો,
શબ્દ સાથેની રમત મોંઘી પડી.
- જવાહર બક્ષી
February 25th, 2009 at 10:42 am
ઑડિયો ક્વોલિટી બરાબર નથી. સુધારી શકો તો આભાર. ગઝલ ખૂબ સરસ છે.
[Audio quality is fine. So far no complains except you. so pl. check at your end. - admin]
February 27th, 2009 at 2:57 pm
મારે ત્યાં તમારી સાઈટ પરની બીજી બધી પોસ્ટ બરાબર સંભળાય છે. માત્ર આ એકમાં જ અવાજ તરડાય છે.
[પ્રીતેશભાઈ, રસક્ષતિ બદલ ક્ષમા. પણ ઓડિયો બરાબર છે એટલે બીજું કંઈ કરી શકાય એમ નથી.]
March 5th, 2009 at 12:26 am
અતિ દૂર ન દે ઉષ્મા, દહે અતિ સમીપ તે.
આ જ ભાવોને મૂર્ત કરતી રચના બહુ સરસ છે.
શક્યતાઓમાં સતત સળગ્યા કર્યો,
શબ્દ સાથેની રમત મોંઘી પડી.
તમને ગમતુ અમને પણ ગમતું થઇ જાય એવી છે.