મળી કંકોત્રી મને
આજકાલ લગ્નસરાની મોસમ છે. કંકોત્રીઓ લખાય છે, વહેંચાય છે, વંચાય છે અને ઉમળકાભેર લગ્નોમાં હાજરી અપાય છે. એમાં કશું નવું નથી … પરંતુ અહીં કવિના હાથમાં પોતાની પ્રિયતમાના લગ્નની કંકોતરી આવે છે. એ પ્રણય, જે કોઈ કારણોસર એના કાયમી મુકામ પર ન પહોંચ્યો, કવિના અંતરને ઝંઝોળે છે. તો બીજી બાજુ પ્રિયતમા પણ એના પ્રભુતામાં પગલાં ભરવાના પ્રસંગે કંકોતરી મોકલાવી પોતે ભૂલી શકી નથી એનો પુરાવો આપે છે. નિષ્ફળ બને જો પ્રેમ તો વહેવાર થાય છે …ઘણું બધું કહી જાય છે. ગુજરાતી સાહિત્યમાં અનોખી ભાત પાડતી આસિમ રાંદેરીની આ સુંદર રચના આજે સાંભળીએ.
[સ્વર: મનહર ઉધાસ; આલ્બમ: આવકાર]
Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.
કંઠસ્થ ગઝલો એમણે મારી કરી તો છે,
એને પસંદ છો હું નથી, શાયરી તો છે,
વરસો પછીય બેસતાં વરસે હે દોસ્તો,
બીજું તો ઠીક એમની કંકોતરી તો છે.
*
મારી એ કલ્પના હતી કે વીસરી મને,
કીંતુ એ માત્ર ભ્રમ હતો થઇ ખાતરી મને,
ભૂલી વફાની રીત ના ભૂલી જરી મને,
લ્યો એના લગ્નની મળી કંકોત્રી મને.
સુંદર ના કેમ હોય કે સુંદર પ્રસંગ છે,
કંકોત્રીમાં રૂપ છે, શોભા છે, રંગ છે,
કાગળનો એનો રંગ છે ખીલતા ગુલાબ સમ,
જાણે ગુલાબી એના વદનના જવાબ સમ,
રંગીનીઓ છે એમાં ઘણી ફૂલછાબ સમ,
જાણે કે પ્રેમ કાવ્યોની કોઇ કિતાબ સમ.
જાણું છું એના અક્ષરો વર્ષોના સાથથી,
શીર નામ મારું કીધું છે ખુદ એના હાથથી.
કંકોત્રીથી એટલું પુરવાર થાય છે,
નિષ્ફળ બને જો પ્રેમ તો વહેવાર થાય છે,
જ્યારે ઉઘાડી રીતે ના કાંઇ પ્યાર થાય છે,
ત્યારે પ્રસંગ જોઇ સદાચાર થાય છે.
દુઃખ છે હજાર તોય હજી એ જ ટેક છે,
કંકોત્રી નથી આ અમસ્તો વિવેક છે,
ભૂલી વફાની રીત ના ભૂલી જરી મને,
લ્યો એના લગ્નની મળી કંકોત્રી મને.
આસીમ હવે વાત ગઇ, રંગ પણ ગયો,
તાપી તટે થતો હતો એ સંગ પણ ગયો,
હાથોની છેડછાડ ગઇ, વ્યંગ પણ ગયો,
મેળાપની એ રીત ગઇ, ઢંગ પણ ગયો.
હું દિલની લાગણીથી હજી પણ સતેજ છુ,
એ પારકી બની જશે હું એનો એ જ છું.
ભૂલી વફાની રીત ના ભૂલી જરી મને,
લ્યો એના લગ્નની મળી કંકોત્રી મને.
- આસીમ રાંદેરી
February 3rd, 2009 at 4:53 pm
આસીમ હવે વાત ગઇ, રંગ પણ ગયો, તાપી તટે થતો હતો એ સંગ પણ ગયો,
હાથોની છેડછાડ ગઇ, વ્યંગ પણ ગયો, મેળાપની એ રીત ગઇ, ઢંગ પણ ગયો,
હું દિલની લાગણીથી હજી પણ સતેજ છુ, એ પારકી બની જશે હું એનો એ જ છું.
ભૂલી વફાની રીત ના ભૂલી જરી મને, લ્યો એના લગ્નની મળી કંકોત્રી મને.
- સુંદર રચના, સુંદર અભીવ્યક્તિ
February 17th, 2009 at 8:02 pm
Fine gazal…………
one more angle in my collection….
February 18th, 2009 at 3:04 pm
શ્રી આસીમ રાંદેરી સાહેબની થોડી વધુ ગઝલો આપવા વિનંતી કરું છું.
[સાંભળો લીલાનું થાશે મિલન આજ રાતે - admin]
July 17th, 2009 at 12:35 pm
દાહક બની સ્પર્શ આપનો સ્પર્શ્યો કેટલીએ વાર પણ નથી સ્પર્શતી હુંફ જે સ્પર્શી તમ કરથી જિંદગીમાં મુજને પહેલી વાર..’
September 11th, 2009 at 7:48 am
Best emotional song with superbly sung by Singer
April 10th, 2010 at 12:58 pm
હું દિલની લાગણીથી હજી પણ સતેજ છુ,
એ પારકી બની જશે હું એનો એ જ છું.
ભૂલી વફાની રીત ના ભૂલી જરી મને,
લ્યો એના લગ્નની મળી કંકોત્રી મને.
સુંદર રચના, સુંદર અભીવ્યક્તિ
June 26th, 2010 at 10:54 pm
પ્રિયતમાની વિદાય પર આથી સુંદર અને હૃદયદ્રાવક બીજું કઈ હોઈ જ ના શકે.
“નિષ્ફળ બને જો પ્રેમ તો વહેવાર થાય છે..”
એક એવું સત્ય જે છે પણ એ સ્વીકારવું ના ગમે….
કેટલાય લોકો ની સ્થિતિ આ શબ્દો મહીં વણી લીધી છે..!!!!
અદભૂત અને આબેહૂબ વર્ણન.
February 23rd, 2011 at 8:45 pm
what a heart touching ghazal. Can anybody send me link to download it! plz.
April 20th, 2011 at 7:26 am
આસિમજીની આ રચના ઉપરાંત અન્ય મેઁ વાંચી-સાંભળી છે, બધી જ કુતૂહલ પ્રેરક છે. લીલા કોલેજમાં જાય છે….વગેરે. એમનું એક
માત્ર પ્રેરણાસ્થાન હોય તેમ લાગે છે લીલા ! આભાર માનવો તો ખરો જ ! સૌનો !
July 31st, 2011 at 2:37 pm
ખુબ સરસ,દિલ ને સ્પર્શી જાય તેવી રચના …
હું દિલની લાગણીથી હજી પણ સતેજ છુ,
એ પારકી બની જશે હું એનો એ જ છું…. ખુબ જ સરસ.
November 18th, 2011 at 4:26 pm
હું દિલની લાગણીથી હજી પણ સતેજ છુ,
એ પારકી બની જશે હું એનો એ જ છું.
December 3rd, 2011 at 8:39 am
મારિ સૌથી પ્રિય નઝમ.