Press "Enter" to skip to content

નથી ગમતું


આજે માણીએ ખુમારી, ઝિંદાદીલી અને ટટ્ટારી વ્યક્ત કરતી આ સુંદર ગઝલ.

પરાયાના ચરણ ચાંપી, અનુસરવું નથી ગમતું,
તણખલાનો સહારો લઇ મને તરવું નથી ગમતું.

જીવન ઝિંદાદિલીથી હું જીવ્યો છું, એટલું બસ છે,
ફકીરી હાલમાં છું મસ્ત કરગરવું નથી ગમતું.

અચળ ધ્રુવસમ, આકાશ જેવી મારી દુનિયામાં
નજીવા કો’ સિતારા, સમ મને ખરવું નથી ગમતું.

હુંફાળી હુંફ આપું છું થથરતી આશને હરદમ,
સૂરજ સમ ઉગી ઉગીને પછી ઢળવું નથી ગમતું.

ખુદા ખાતર મને ખેંચી ન જા મસ્જીદ મહીં ઝાહિદ,
મને દેખાવ કાજે ક્યાંય દેખાવું નથી ગમતું.

સતત ચાલી રહેલા કાફલાનો, મીર છું ‘રૂસ્વા’,
વિસામાને ગણી મંઝિલ, મને ઠરવું નથી ગમતું.

– ‘રૂસ્વા’ મઝલૂમી

4 Comments

  1. Shriya
    Shriya January 21, 2009

    જીવન ઝિંદાદિલીથી હું જીવ્યો છું, એટલું બસ છે,
    ફકીરી હાલમાં છું મસ્ત કરગરવું નથી ગમતું.
    ……હુંફાળી હુંફ આપું છું થથરતી આશને હરદમ,
    સૂરજ સમ ઉગી ઉગીને પછી ઢળવું નથી ગમતું.

    વાહ! કેવી સરસ ખુમારીની વાત કરી છે આ ગઝલમાં!

  2. pragnaju
    pragnaju January 23, 2009

    પરાયાના ચરણ ચાંપી, અનુસરવું નથી ગમતું,
    તણખલાનો સહારો લઇ મને તરવું નથી ગમતું.
    વાહ્
    નથી સામાન્ય આસવનો વિરલ રસનો કળશ છું હું
    મથું છું હરપળે હળવો થવા મબલખ વિવશ છું હું
    કાંઇ કહેવાય ના ક્યારે કયો પુરુષાર્થ અજમાવું
    હજી જનમ્યો નથી એવા ભગીરથની ધગશ છું હું
    —————————————
    મોતની તાકાત શી મારી શકે?
    જિંદગી તારો ઇશારો જોઇએ
    જેટલે ઊંચે જવું હો માનવી
    તેટલા ઉન્નત વિચારો જોઇએ

  3. darshan
    darshan January 25, 2009

    જીવન ની વાસ્તવિકતા સમજાવતી સૂફી સન્ત ની કાવ્યરચના ખુબ જ સરસ ચ્હે.

  4. Kanchankumari parmar
    Kanchankumari parmar August 14, 2009

    ગગન નથી વિશાળ મારે હજુએ ઉડવુ હતું; ધરતી નથી અનંત મારે હજુએ ચાલવું હતું; જીવનમાં નથી રસ મારે હજુએ જીવવું હતું………

Leave a Reply to Shriya Cancel reply

Your email address will not be published. Required fields are marked *

This site uses Akismet to reduce spam. Learn how your comment data is processed.