ઝેર તો પીધા જાણી જાણી
જ્યારે ભગવાન કૃષ્ણ માટેની મીરાંબાઈની દિવાનગી રાજમહેલની બધી હદોને પાર કરી ગઈ ત્યારે રાણાએ પોતાની આબરુને બચાવવા માટે મીરાંબાઈને ઝેરનો કટોરો મોકલ્યો. એને એમ હતું કે હવે બધી સમસ્યાઓનું સમાધાન થઈ જશે, તકલીફોનો સુખદ અંત આવી જશે. પરંતુ જેને રામ રાખે એને કોણ ચાખે ? મીરાંબાઈને મારવા માટે મોકલાવેલ ઝેરને પ્રભુએ અમૃતમાં પલટાવી દીધું. એ સ્વાનુભવની કહાણી મીરાંબાઈએ ભજનમાં કરી. માણો એ સુંદર ભજન રેખાબેન ત્રિવેદીના સ્વરમાં.
Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.
નથી રે પીધાં અણજાણી રે,
મેવાડના રાણા, ઝેર તો પીધા જાણી જાણી.
કોયલ ને કાગ રાણા, એક જ વરણાં રે;
કડવી લાગે છે કાગવાણી રે,
મેવાડના રાણા, ઝેર તો પીધાં જાણી જાણી.
ઝેરના કટોરા જ્યારે રાણાજી મોકલે રે;
તેનાં બનાવ્યાં દૂધ પાણી રે,
મેવાડના રાણા, ઝેર તો પીધાં જાણી જાણી.
રીસ કરીને રાણો ત્રાસ ગુજારે;
ક્રોધ રૂપે દર્શાણી રે,
મેવાડના રાણા, ઝેર તો પીધાં જાણી જાણી.
સાધુનો સંગ મીરાં છોડી દિયો રે;
તમને બનાવું રાજરાણી રે,
મેવાડના રાણા, ઝેર તો પીધાં જાણી જાણી.
સાધુડાનો સંગ રાણા નહિ છૂટે અમથો રે;
જનમોજનમની બંધાણી રે,
મેવાડના રાણા, ઝેર તો પીધાં જાણી જાણી.
સંતો છે માત રાણા, સંતો પિતા મારા;
સંતોની સંગે હું લોભાણી રે,
મેવાડના રાણા, ઝેર તો પીધાં જાણી જાણી.
બાઈ મીરાં કહે પ્રભુ ગિરધર નાગર;
તમને ભજીને હું વેચાણી રે,
મેવાડના રાણા, ઝેર તો પીધાં જાણી જાણી.
- મીરાંબાઈ
January 8th, 2009 at 10:38 am
વાહ….ખૂબ સરસ….આ ભજન સાંભળીને મારા રૂંવાટા ઊભા થઈ ગયા અને મારી આંખોમાં અશ્રુની ધારાઓ વહેવા લાગી.
ફરી ફરી સાંભળવું ગમે તેવું ખૂબ જ સુંદર ભાવવાહી ભજન.
મારા હૃદયમાં ભક્તિભાવ જગાવવા બદલ ખૂબ ખૂબ આભાર.
January 8th, 2009 at 7:32 pm
ખૂબ મધુર અવાજમાં આ ભજન સાંભળવાની બહુ મજા આવી. આભાર.
January 9th, 2009 at 10:13 pm
વાહ અમીબેન ખુબ જ સરસ તમારી વેબ સાઈટ.
sorrry i cant write in gujarati …. But i promise to see you daily in morning.
with warm regards and lot of love
JD.
February 5th, 2009 at 8:46 am
વાહ આટલું સરસ ભજન એટલા જ સરસ સ્વરમાં વાંચતા વાંચતા સાંભળવાની ખુબ જ મજા આવી. તમારો ખુબ ખુબ આભાર.
February 11th, 2010 at 11:39 pm
આ ભજન બહુ જ ગમે છે.
February 2nd, 2011 at 2:22 am
i was so happy to hear this song of mirabai. If you have some song of mirabai please deliver to this website.
April 25th, 2011 at 11:27 am
ગુજરાતી ભજનનો મોંઘો લ્હાવો પ્રાપ્ત થયો. મનને ખુબ જ શાન્તિ મળી. જુદા જુદા ભજન વધારે મુક્વા વિનન્તિ.
August 20th, 2011 at 5:45 pm
Very nice song. મીરાંબાઈના ભજનની તો વાત જ જુદી છે. આ ગીત અંતરમાં પરમાત્માની અનુભૂતિ કરાવે છે.
Thank you for posting. Have a nice day Mitixabahen.