Press "Enter" to skip to content

કોને ખબર ?


પાંદળુ કેવી રીતે પીળું થયું કોને ખબર ?
એટલે કે ઝાડમાંથી શું ગયું કોને ખબર ?

શહેર પર ખાંગી થઈ વરસી પડી આખી વસંત,
એક જણ નખશિખ ઊજ્જડ રહી ગયું કોને ખબર ?

શાહીમાંથી આમ કાં ઢોળાય છે તારા સ્મરણ
એને મારું એક મન ઓછું પડ્યું કોને ખબર ?

સ્વપ્નમાં વહેતી’તી નહેરો તારા ચહેરાની સતત,
ને સવારે આંખમાંથી શું વહ્યું કોને ખબર ?

માછલીએ એકદા જળને પૂછ્યું : તું કોણ છે ?
એના ઊત્તર શોધવા જળ ક્યાં ગયું કોને ખબર ?

મેં અરીસાને અમસ્તો ઉપલક જોયો ‘રમેશ’,
કોણ એમાંથી મને જોતું રહ્યું કોને ખબર ?

– રમેશ પારેખ

3 Comments

  1. Ashwin-Sonal
    Ashwin-Sonal August 17, 2008

    મેં અરીસાને અમસ્તો ઉપલક જોયો ‘રમેશ’,
    કોણ એમાંથી મને જોતું રહ્યું કોને ખબર ?

    – રમેશ પારેખ

    બહુ સરસ મજા આવી ગઈ કીપ ઈટ અપ

  2. Pragnaju
    Pragnaju August 17, 2008

    ર.પાની મધુરી રચના
    શાહીમાંથી આમ કાં ઢોળાય છે તારા સ્મરણ
    એને મારું એક મન ઓછું પડ્યું કોને ખબર ?
    વાહ

  3. Prakash Gyanchandani
    Prakash Gyanchandani February 14, 2011

    આજ તેને યાદ કરી હ્રદય ધડકતાં ભુલી ગયું,
    આમ કેમ થયું, કોને ખબર?

Leave a Reply to Prakash Gyanchandani Cancel reply

Your email address will not be published. Required fields are marked *

This site uses Akismet to reduce spam. Learn how your comment data is processed.