Press "Enter" to skip to content

વરસાદમાં…


ગુજરાતની ધરતીને વરસાદે વ્હાલથી નવડાવી દીધી એ સાંભળીને વરસતા વરસાદમાં પલળવાના ને ફરજિયાત ન્હાવાના દિવસો યાદ આવી ગયાં. વરસાદમાં ન્હાતાં પ્રેમભીના હૈયાને કોઈકના આવવાનો ઈંતજાર હોય છે અને એ નહીં આવે એવી ખબર પડતાં .. વરસતા વરસાદે પણ દિલમાં આગ લાગી જાય. સરળ સીધા શબ્દોથી સુંદર ભાવોની અભિવ્યક્તિને સાંભળો અનુરાધા પૌંડવાલ અને મનહર ઉધાસના કંઠે. [આલ્બમ : આભૂષણ]

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

એ નહીં આવે કદી વરસાદમાં
આગ લાગી ગઈ સખી વરસાદમાં.

કોની સાથે જઈને ભીંજાવું હવે,
સાવ સૂની છે ગલી વરસાદમાં.

એક દુઆ માંગી કોઈએ રાતભર,
એક ગઝલ મેં પણ લખી વરસાદમાં.

દુઃખની રાતોમાં કોઈ મળતું નથી,
ક્યાં મળે છે ચાંદની વરસાદમાં.

છે તગઝ્ઝુલ રંગનો વૈભવ ‘અદી’
શાયરી દુલ્હન બની વરસાદમાં.

– અદી મિરઝા

( * તગઝ્ઝુલ – ગઝલનો રંગ )

4 Comments

  1. Darshan Joshi
    Darshan Joshi August 13, 2008

    It is such a nice gazal … She has such a sweet voice…
    I have one good suggestion that you should allow us to download these kind of gazals because it might be possible that we don’t have it in our collection…

  2. admin
    admin August 13, 2008

    દર્શનભાઈ,
    ફુલને ડાળી પર સુંઘવામાં જે મઝા છે તે ફ્લાવર વાઝમાં ગોઠવવામાં નથી. સમજી ગયા ને ? જો આપને આ ગઝલ ગમી હોય તો આપ અવશ્ય આભૂષણ આલ્બમ ખરીદો અને સાંભળો. આ સાઈટ પર ડાઉનલોડ કરવાની કોઈ વ્યવસ્થા કરી શકાય તેમ નથી. અહીં રજૂ થતા દરેક ગીતો માતૃભાષાના પ્રસાર માટે છે. એને પ્રોત્સાહન આપવાની સાચી રીત આપણે માટે જે સુંદર ગીતો ગાય છે તેમની કેસેટ કે સીડી ખરીદવાની છે. તેમને એ રીતે બિરદાવીએ એમાં જ આપણું અને માતૃભાષાનું ગૌરવ છે. અને હા, તમને જ્યારે પણ ગીતો સાંભળવાનું મન થાય ત્યારે તમે આ વેબસાઈટની મુલાકાત લઈ જ શકો છો. એ માટે આમંત્રણ આપવાનું હોય ખરું ?

  3. Pragnaju
    Pragnaju August 13, 2008

    ખૂબ સરસ
    ખરીદ કરવાની વાત એકદમ સાચી. આ રીતે સાંભળેલા ગીતો ઝપાટાબંધ ખરીદી માટે મદદરુપ થાય છે.

  4. Kanchankumari Parmar
    Kanchankumari Parmar July 29, 2009

    વેદનાનાં વમળમાં અટવાતી કરુ પ્રતિક્ષા તમારી; રાત ડુબી તારા ગણતાં કરું પ્રતિક્ષા તમારી… વેદના ભારોભાર છલકાય છે.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.