Press "Enter" to skip to content

વીણેલાં મોતી


*

*
આંખ ભીની હોય ત્યારે સ્મિત મુખ પર જોઇએ,
જિંદગીની બેઉ બાજુ એમ સરભર જોઇએ;
છો રહે ફોરમ વિહોણાં જિંદગીનાં વસ્ત્ર સૌ
ફૂલ પીસીને કદી મારે ન અત્તર જોઇએ.
– મનહરલાલ ચોકસી
*
ક્યાં કદી સહેલાઇથી સમજાય છે માણસ હવે
વિસ્તરે છે એમ ટુંકો થાય છે માણસ હવે.
આભને આંબી જવાના હોય છે સ્વપ્ના ફકત,
માત્ર પડછાયો બની લંબાય છે માણસ હવે.
– આશિત હૈદરાબાદી
*
તું બને વરસાદ તો ઇચ્છાઓ જામગરી બને,
ને રમત અગ્નિ અને જળની વધુ અઘરી બને;
રામ બનવાનું બહુ અઘરું નથી હોતું મગર
શર્ત એ છે કે નિખાલસ એક જણ શબરી બને.
– મુકુલ ચોકસી
*
મનને સમજાવો નહીં કે મન સમજતું હોય છે,
આ સમજ, આ અણસમજ, એ ખુદ સરજતું હોય છે;
ઓગળે તો મૌનથી એ ઓગળે ઝળહળ થતું,
શબ્દનું એની કને ક્યાં કૈં ઉપજતું હોય છે !
– રાજેન્દ્ર શુકલ

3 Comments

  1. અશ્વિન કાકા
    અશ્વિન કાકા July 7, 2008

    આદાબ .. આદાબ .. બહુત ખૂબ …
    ક્યાં કદી સહેલાઇથી સમજાય છે માણસ હવે
    વિસ્તરે છે એમ ટુંકો થાય છે માણસ હવે…
    બહુ સરસ…keep it up
    ફૂલ પીસીને કદી મારે ન અત્તર જોઇએ.
    બહુત ખૂબ દક્ષેશભાઈ .. thank u

  2. Arun Shanghavi
    Arun Shanghavi April 23, 2012

    હુ એક ભજન શોધ છું જેનું શિર્ષક છે કાલા ભગત, જે હું ૬૦ વરસો પહેલાં ભણતો હતો. આજે મારે એ ભજન મારા પૌત્રને સંભળાવવું છે. તો મદદ કરશો તો હું બહુ જ આભારી થઈશ.

  3. Vishnu Bhaliya
    Vishnu Bhaliya March 30, 2013

    ક્યાં કદી સહેલાઇથી સમજાય છે માણસ હવે
    વિસ્તરે છે એમ ટુંકો થાય છે માણસ હવે…
    બહુ સરસ…

Leave a Reply to અશ્વિન કાકા Cancel reply

Your email address will not be published. Required fields are marked *

This site uses Akismet to reduce spam. Learn how your comment data is processed.