Press "Enter" to skip to content

એવો કોઈ દિલદાર

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

[ સ્વર : અનુરાધા પૌંડવાલ; આલ્બમ : આભુષણ ]

[ મરીઝની લખેલ એક સુંદર ગઝલ આજે રજૂ કરું છું. સંબંધોમાં એવી ક્ષણો અનેક આવે છે જ્યારે વ્યક્તિને હૂંફ, હમદર્દી અને સહારાની જરૂર પડે છે. એ સમયે દિલદાર હમદર્દ બની પડખે ઉભો રહે અને ખભો ધરે છે પણ એમાં અહેસાન કર્યાની બૂ આવે, એ મદદ લેનારને લાચારીનો અહેસાસ કરાવે, તે મરીઝને ખૂંચે છે. અપેક્ષાના ધરતીથી ઉપર સંબંધોના મોકળા ગગનમાં વિહરવા કવિ ઈચ્છે છે. ‘એ સૌથી વધુ ઉચ્ચ તબક્કો છે મિલનનો, કહેવાનું ઘણું હો ને કશું યાદ ન આવે’ … મારી મનગમતી પંક્તિઓ છે. ]

એવો કોઈ દિલદાર જગતમાં નજર આવે,
આપી દે મદદ કિન્તુ ન લાચાર બનાવે.

હમદર્દ બની જાય જરા સાથમાં આવે,
આ શું કે બધા દૂરથી રસ્તા જ બતાવે.

એ સૌથી વધુ ઉચ્ચ તબક્કો છે મિલનનો,
કહેવાનું ઘણું હો ને કશું યાદ ન આવે.

વાતોની કલા લ્યે કોઈ પ્રેમીથી તમારા,
એક વાત કરે એમાં ઘણી વાત છુપાવે.

રડવાની જરૂરત પડે ત્યાં સૂકાં નયન હોય,
ને હસતો રહું ત્યાં જ જ્યાં હસવું નહીં આવે.

છે મારી મુસીબતનું ‘મરીઝ’ એક આ કારણ
હું મુજથી રૂઠેલો છું, મને કોણ મનાવે ?

– મરીઝ

5 Comments

  1. Ashwin-Sonal
    Ashwin-Sonal July 8, 2008

    એ સૌથી વધુ ઉચ્ચ તબક્કો છે મિલનનો,
    કહેવાનું ઘણું હો ને કશું યાદ ન આવે.

    રડવાની જરૂરત પડે ત્યાં સૂકાં નયન હોય,
    ને હસતો રહું ત્યાં જ જ્યાં હસવું નહીં આવે.

    બહુ સરસ. મજા આવી ગઇ. વાહ, શું વાત છે. અમને પણ ક્યારેક આવું કંઇ થાય છે ..
    કીપ ઇટ અપ

  2. Ashwin-Sonal
    Ashwin-Sonal July 9, 2008

    વાતોની કલા લ્યે કોઈ પ્રેમીથી તમારા,
    એક વાત કરે એમાં ઘણી વાત છુપાવે.

    નવુ નવુ પીરસતા રહો મઝા આવે છે

  3. Gaurang Thaker
    Gaurang Thaker August 23, 2008

    waah….. very nice…kya baat….nice gazal in good voice.

  4. Hema shah
    Hema shah December 19, 2008

    વાહ વાહ ખુબજ સુંદર અવાજમાં સુંદર ગઝલ સાંભળીને દિલ ડોલી ગયુ. આવી જ રીતે લગ્ન ગીતો એકી સાથે સાંભળવા મળે તો ખુબ મજા પડી જાય.

  5. Mihir Thaker
    Mihir Thaker December 26, 2009

    There is no facility to download the gazals.

    [sorry, no downloads. – admin]

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.