Press "Enter" to skip to content

મારી કોઈ ડાળખીમાં


આ ગીત મારા પ્રિય ગીતોમાંનું એક છે. એક નિર્મોહીની ખુમારી અને ટટ્ટારીને આ રચના આબેહુબ રીતે વ્યક્ત કરે છે. જે ડાળખીને પાંદડા જ ન હોય એને પાનખરની શી બીક ? વળી રચનાને અંતે મુકાયેલ ‘બરફમાં ગોઠવેલું પાણી નથી, મને સૂરજની બીક ના બતાવ’ … અત્યંત મનનીય છે. પુરુષોત્તમભાઈ, જેમણે ગુજરાતી સંગીતને દેશવિદેશમાં ગુંજતું કર્યું, તેમના કંઠથી આ ગીત અમર બન્યું છે, આપણને વારંવાર વાગોળવાનું મન થાય એવું છે.
*
સ્વર : પુરુષોત્તમ ઉપાધ્યાય

*
મારી કોઈ ડાળખીમાં પાંદડા નથી
મને પાનખરની બીક ના બતાવો !

પંખી સહિત હવા/શહીદ થવા (?) ચાતરીને જાય
એવું આષાઢી દિવસોમાં લાગે,
આંબાનું સાવ ભલે લાકડું કહેવાઉં
પણ મારામાં ઝાડ હજી જાગે.

માળામાં ગોઠવેલી સળી હું નથી
મને વીજળીની બીક ના બતાવો !

એકે ડાળીથી હવે ઝીલ્યો ન જાય
કોઈ રાતી કીડીનોય ભાર !
એક પછી એક ડાળ ખરતી જોઉં ને થાય
પડવાને છે કેટલી વાર ?

બરફમાં હું ગોઠવેલું પાણી નથી
મને સૂરજની બીક ના બતાવો !

– અનિલ જોષી

6 Comments

  1. C.Mistry
    C.Mistry September 20, 2008

    બહુ જ સરસ ગીત છે. મને ગીતોના બોલ ઈ-મેઈલ ક્રરશો?

  2. Amrit Gadhia
    Amrit Gadhia October 1, 2008

    મનહર ઉધાસની ગઝલ “મહેફિલની ત્યારે સાચી શરૂઆત થઈ હશે, મારા ગયા પછી જ મારી વાત થઈ હશે” મહેરબાની કરી આ ગઝલ સંભળાવવાની કૃપા કરશો.

  3. Sanat Joshi
    Sanat Joshi March 14, 2009

    very good gazal , wonderful collection.
    will love to have more such loving gazals.
    keep it up.

  4. Kanchankumari Parmar
    Kanchankumari Parmar July 26, 2009

    હુ મૃત્યુ પામી રહી છું; મારા દરેક અંગ ધીમેધીમે થીજી રહ્યા છે; અનાયાસે મારી નજર ઝાડ પર જાય છે. તે પણ મારી જેમ મરી રહ્યું છે; પણ કોણ જાણે કેમ તેની નિર્જીવ ડાળી ઉપર એક કુંપણ ફુટે છે અને તબિબો મને મૃત જાહેર કરે તે પહેલા જાગી જાઉ છું…….

  5. Ganga Thapa
    Ganga Thapa November 19, 2011

    Very nice song, I listened this song many years ago. It also reminds cause of revolution. If nothing is there to lose, people have guts to protest against injustice.

Leave a Reply to Ganga Thapa Cancel reply

Your email address will not be published. Required fields are marked *

This site uses Akismet to reduce spam. Learn how your comment data is processed.