ભગવો થઇ ગયો
આંખોનો ભેદ આખરે ખુલ્લો થઇ ગયો.
બોલ્યા વિના જ હું બધે પડઘો થઇ ગયો.
આ એ જ અંધકાર છે કે જેનો ડર હતો.
આંખોને ખોલતાં જ એ તડકો થઇ ગયો.
જળને તો માત્ર જાણ છે, તૃપ્તિ થવા વિષે.
મૃગજળને પૂછ કેમ હું તરસ્યો થઇ ગયો.
તારી કૃપાથી તો થયો કેવળ બરફનો પહાડ
મારી તરસના તાપથી દરિયો થઇ ગયો.
મસ્તી વધી ગઇ તો વિરક્તિ થઇ ગઇ
ઘેરો થયો ગુલાલ તો ભગવો થઇ ગયો.
- જવાહર બક્ષી
December 26th, 2008 at 1:13 pm
મસ્તી વધી ગઇ તો વિરક્તિ થઇ ગઇ
ઘેરો થયો ગુલાલ તો ભગવો થઇ ગયો.
બક્ષી સાહેબની આ તો મજા છે ! તેમના કાવ્યોમાં દર્શન આવે જ !
મેં તેમનુ નરસિંહ વિષે વક્તવ્ય સાંભળીને ( CD પર )પછી ૨૭-નવેમ્બરના બ્લોગમાં લખેલ છે.
December 27th, 2008 at 7:39 am
મસ્તી વધી ગઇ તો વિરક્તિ થઇ ગઇ
ઘેરો થયો ગુલાલ તો ભગવો થઇ ગયો
…. સ્પર્શી જાય એવું ઊંડાણ. સુંદર.