Press "Enter" to skip to content

જન્મોજનમની આપણી સગાઇ


આજે એક મધુરું અને મનગમતું ગીત … જેના શબ્દો હોઠ પર રમ્યા કરે એવા સુંદર છે. સંબંધોના આકાશમાં પ્રેમના સૂરજને જ્યારે અબોલાના કાળા વાદળો ઘેરી લે ત્યારે સર્જાતા ભાવજગતને આ ગીતમાં બખૂબીથી રજૂ કરવામાં આવ્યું છે. સંબંધોની દિવાલમાં તીરાડ પાડવા માટે શંકાનો એક નાનો સરખો પથ્થર પૂરતો છે. એવા પોલા સંબંધોમાં પછી વાતેવાતે સોગંદ લેવા પડે. પરાણે જાળવી રખાતા સંબંધોની વ્યથાને આ ગીત ધાર કાઢી આપે છે.
*
સ્વર: હંસા દવે; સંગીત: પુરુષોત્તમ ઉપાધ્યાય; આલ્બમ: ગુલમહોર

*
જન્મોજનમની આપણી સગાઇ,
હવે શોધે છે સમજણની કેડી
આપણા અબોલાથી ઝૂર્યા કરે છે
હવે આપણે સજાવેલી મેડી.

બોલાયેલા શબ્દોના સરવાળા-બાદબાકી
કરતું રહ્યું છે આ મન
પ્રત્યેક વાતમાં સોગંદ લેવા પડે
છે કેવું આ આપણું જીવન
મંઝિલ દેખાય ને હું ચાલવા લાગું ત્યાં
વિસ્તરતી જાય છે આ કેડી.

રંગીન ફૂલોને મેં ગોઠવી દીધાં છે તેથી
ખીલેલો લાગે આ બાગ,
ટહુકાને માંડ માંડ ગોઠવી શક્યો, પણ
ખરી પડ્યો એનોય રાગ
ઊડતાં પતંગિયાઓ પૂછે છે ફૂલને !
તારી સુગંધને ક્યાં વેરી?

મેઘજી ડોડેચા ‘મેઘબિંદુ’

5 Comments

  1. વિવેક ટેલર
    વિવેક ટેલર November 26, 2008

    આપના બ્લૉગને ગુજરાતી શબ્દ જગતમાં સમાવી લીધો છે… વિલંબ બદલ ક્ષમા પ્રાર્થું છું…

    કુશળ હશો…

  2. દિનકર ભટ્ટ
    દિનકર ભટ્ટ November 26, 2008

    બોલાયેલા શબ્દોના સરવાળા-બાદબાકી
    કરતું રહ્યું છે આ મન
    પ્રત્યેક વાતમાં સોગંદ લેવા પડે
    છે કેવું આ આપણું જીવન
    મંઝિલ દેખાય ને હું ચાલવા લાગું ત્યાં
    વિસ્તરતી જાય છે આ કેડી.

    – સુંદર રચના

  3. pragnaju
    pragnaju November 26, 2008

    મધુરી ગાયકી
    રંગીન ફૂલોને મેં ગોઠવી દીધાં છે તેથી
    ખીલેલો લાગે આ બાગ,
    ટહુકાને માંડ માંડ ગોઠવી શક્યો, પણ
    ખરી પડ્યો એનોય રાગ
    ઊડતાં પતંગિયાઓ પૂછે છે ફૂલને !
    તારી સુગંધને ક્યાં વેરી?
    ખૂબ સુંદર પંક્તીઓ

  4. kanchankumari parmar
    kanchankumari parmar July 19, 2009

    બોલેલા શબ્દોથી પ્રગટતા પડઘાઓ અવિરત વહેતા હોઇ સૃષ્ટિ અમ એમાં જ રચે ન પરવા બીજાની હોય…. ખુબજ સરસ.

Leave a Reply to દિનકર ભટ્ટ Cancel reply

Your email address will not be published. Required fields are marked *

This site uses Akismet to reduce spam. Learn how your comment data is processed.