Press "Enter" to skip to content

પિયરને પીપળેથી


લગ્ન પછી જ્યારે કન્યા સાસરે જાય ત્યારે મમતાનાં બધા સંબંધો પિયરમાં છૂટી જાય છે. પરંતુ એના હૈયે તો એનું બાળપણ, એની સહેલીઓ, એનાં ભાઈ-બેન, માતા-પિતા તથા સ્નેહીઓ ગોપાયેલાં રહે છે. એ મનોદશામાં વિહરતી કન્યાને સાસરાના આંગણાંમાં એક પારેવડું નજરે પડે છે. એ પિયરમાંથી આવેલું હોવાની કલ્પના કરી કન્યા પોતાના પિયરની સ્મૃતિઓમાં સરી પડે છે એનું મનોહર ચિત્રણ આ ગીતમાં રજૂ થયું છે. સાંભળો આ મધુરા ગીતને આશા ભોંસલેના કંઠે.

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.


પિયરને પીપળેથી આવ્યું પારેવડું,
પારેવડાંને સોના કેરી ચાંચ રે.. પારેવડાંને કોઇ ના ઉડાડશો.

મૈયરનું ખોરડું ને મૈયરની ગાવડી,
મૈયરની સામે એક નાની તલાવડી,
એવા મારા મૈયરનું આ રે પારેવડું,
એને આવે ના જોજો ઉની આંચ રે.. પારેવડાંને કોઇ ના ઉડાડશો.

એ રે પારેવડાંમાં જનક ને જનેતા, એ રે પારેવડે મારો ભાઇ
એ રે પારેવડાંમાં નાનકડી બેનડી, એ રે પારેવડે ભોજાઇ
પારેવડાંના વેશમાં આજ મારે આંગણે,
મૈયર આવ્યું સાચો-સાચ રે.. પારેવડાં ને કોઇ ના ઉડાડશો.

એ રે પારેવડે મારા મૈયરનો મોરલો,
એ રે પારેવડે મારા દાદાજીનો ઓટલો,
એ રે પારેવડું મને જોતું રે વ્હાલથી,
એને કરવા દ્યો થનગન થન નાચ રે.. પારેવડાં ને કોઇ ના ઉડાડશો.

પિયરને પીપળેથી આવ્યું પારેવડું,
પારેવડાં ને સોના કેરી ચાંચ રે.. પારેવડાં ને કોઇ ના ઉડાડશો.

7 Comments

  1. pragnaju
    pragnaju November 18, 2008

    સુંદર સ્વરમાં મધુરી ગાયકી.
    યાદ આવ્યું ..
    એક રે પારેવડું પિપળાની ડાળે બીજું રે પારેવડું સરોવર પાળે
    રૂમઝુમ રૂમઝુમ જોડલી હાલે નેણલાં પરોવી ને નેણલાં ઢાળે
    સોના જેવો કંથડો ને હું સોનાની વાટકળી
    વાટકળીમાં કંકુ રાતા ચોળ, રાતા ચોળ રે.

  2. Manisha Ashish Joshi
    Manisha Ashish Joshi November 18, 2008

    વાહ વાહ દક્ષેશભાઈ વાહ આજે તો મને ડાકોર, મારા પિયરની યાદ આવી ગઈ.

    એ રે પારેવડાંમાં જનક ને જનેતા, એ રે પારેવડે મારો ભાઇ
    એને આવે ના જોજો ઉની આંચ રે.. પારેવડાંને કોઇ ના ઉડાડશો.

    ભલે એપાર્ટમેન્ટની બાલ્કનીમાં હવે પારેવડાં આવતાં નથી, પણ તમે પિયરની યાદ અપાવી દીધી.
    – મનિષા જોષી

  3. Kanchankumari Parmar
    Kanchankumari Parmar July 19, 2009

    દાદાની ડેલીએથી ઘોડા ખેલતી દિકરી સાસરામાં સાવ ગભરુ પારેવડા જેવી બની જાય છે. ખુબ જ દુઃખદ.

  4. Rajpara
    Rajpara April 3, 2010

    As she always lovabale for her parents and relatives and she has got one power she tolerate all and give respect to all members of her inlows god has given so many feelings and she is respectivaky always winner thnx

  5. Purvi
    Purvi July 9, 2010

    khub j sunder geet che. I am sure je pan parneli streeo hashey temne jarur aa geet sambhdhi aankh bhini thai hasey.

  6. ભગવતી
    ભગવતી January 10, 2011

    પિયર ને પિયરના હોકારાય દોહ્યલા થૈ ગયા એવા અમારા જેવાને તો પારેવુંય પિયર જ છે, આભાર પિયર આખાને અમ આંગણે લાવવા બદલ.

  7. Ghanshyam
    Ghanshyam February 19, 2011

    દિકરી ની મહિયરની માયા વર્ણવતું ગીત સરસ છે. ખુબ જ ગમ્યું.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.