Press "Enter" to skip to content

આછકલું અડવાની ટેવ


તને ખોટું જો લાગે તો હું શું કરું ? મને આછકલું અડવાની ટેવ.

હું તો ઝાકળને અડકું, વાદળને અડકું, અડકું છું પડતા વરસાદને;
મને ઝરણાંનાં પાણી દે અમથાં જો કોલ હું પળમાં ઝબોળી લઉં જાતને.
તને ભીનું ન લાગે તો હું શું કરું ? મને કોરુંકટ રડવાની ટેવ.

રંગબેરંગી પતંગિયાંની સાથે રહીને કદી ઉડવાની ક્લ્પના કરી છે?
ઢાળ ઊતરતી કેડી પર રહીને અડોઅડ, સરકવાની કલ્પના કરી છે?
તને ઓસરતાં મોજાંથી લાગે છે ડર, મને ઊલળતા દરિયાની ટેવ.

હળવેથી અળગી થઈ તારાથી આજ, જરી મારામાં જાતને પરોવી તો જો;
અલ્લડ હવાની જેમ વહેતી રહીને, ચાર ભીંતોથી આગળ તું નીકળી તો જો.
તારે કહેવી હો હા ને તોય તું શું કરે, તને ના રે ના કરવાની ટેવ.

– હિતેન આનંદપરા

2 Comments

  1. pragnaju
    pragnaju November 5, 2008

    સુંદર રચના
    આ પંક્તીઓ ગમી
    રંગબેરંગી પતંગિયાંની સાથે રહીને કદી ઉડવાની ક્લ્પના કરી છે?
    ઢાળ ઊતરતી કેડી પર રહીને અડોઅડ, સરકવાની કલ્પના કરી છે?
    તને ઓસરતાં મોજાંથી લાગે છે ડર, મને ઊલળતા દરિયાની ટેવ.

  2. Niraj
    Niraj November 6, 2008

    ખૂબ સુંદર રચના…

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.