ચોમાસું ક્યાંક આસપાસ છે
આજે એક ભીનું ભીનું વરસાદી ગીત … તમને થશે વર્ષાઋતુ તો પૂરી થઈ. હવે કેવું વરસાદી ગીત ? પણ હા, આજે ઘણાં વખતે લોસએન્જલસમાં વરસાદનું આગમન થયું. એટલે થયું બારીની બહાર કાળા વાદળો અને ઝરમર ઝરમર વરસાદને જોતાં આ ગીત સાંભળવાની મજા પડશે. સુંદર ગીત તો ગમે ત્યારે સાંભળીએ મજાનું જ લાગે. ખરુંને ?
[ સંગીત: નયનેશ જાની; સ્વર: આરતી મુન્શી; આલ્બમ: હસ્તાક્ષર ]
Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.
આંખોમાં બેઠેલા ચાતક કહે છે મારું ચોમાસું ક્યાંક આસપાસ છે,
ગાલ ઉપર લજ્જાની લાલી ફુટ્યાનું કોઈ કારણ પુછે તો કહું ખાસ છે !
કોરી કુંવારી આ હાથની હથેળીમાં માટીની ગંધ રહી જાગી
તરસ્યા આ હોવાના કોરા આકાશમાં આષાઢી સાંજ એક માંગી
વરસાદી વાર્તાઓ વાંચી વાંચીને હવે ભીજાવું એ તો આભાસ છે … મારું ચોમાસું
કોરપની વેદના તો કેમેય સહેવાય નહીં, રુંવે રુંવેથી મને વાગે
પહેલા વરસાદ તણું મધમીઠું સોણલું રહી રહીને મારામાં જાગે
નસનસ આ ફાટીને વહેવા ચહે છે આ તે કેવો આષાઢી ઉલ્લાસ છે .. મારું ચોમાસું
આંખોમાં બેઠેલા ચાતક કહે છે મારું ચોમાસું ક્યાંક આસપાસ છે
ગાલો પર લજ્જાની લાલી ફુટ્યાનું કોઈ કારણ પુછે તો કહું ખાસ છે !
- તુષાર શુક્લ
November 3rd, 2008 at 9:00 pm
આંખોમાં બેઠેલા ચાતક કહે છે મારું ચોમાસું ક્યાંક આસપાસ છે
ગાલો પર લજ્જાની લાલી ફુટ્યાનું કોઈ કારણ પુછે તો કહું ખાસ છે !
તુષાર શુક્લની મઝાની રચનાનો સૌને ગમી જાય તેવો શેર
November 5th, 2008 at 12:04 am
આંખોમાં બેઠેલા ચાતક કહે છે મારું ચોમાસું ક્યાંક આસપાસ છે,
ગાલ ઉપર લજ્જાની લાલી ફુટ્યાનું કોઈ કારણ પૂછે તો કહું ખાસ છે !
વાહ ! ખૂબ સુંદર ગીત ! ખૂબ સુંદર રચના ! ખૂબ સુંદર કંઠ ! ખૂબ સુંદર તર્જ ! કાબિલે-તારિફ !
November 5th, 2008 at 11:18 am
Too good…enjoyed every moment…prem ni paribhasha aatli saral & sunder…maru chomasu..yaad avej..
June 4th, 2009 at 5:46 pm
આંખોમાં બેઠેલા ચાતક કહે છે મારું ચોમાસું ક્યાંક આસપાસ છે
ગાલો પર લજ્જાની લાલી ફુટ્યાનું કોઈ કારણ પુછે તો કહું ખાસ છે
BAHU SUNDER RACHANA
પહેલા વરસાદ મા પહેલો પ્રેમ,
વરસે દરિયા પર નદીનો પ્રેમ,
વરસે મારા પર તારો આ પ્રેમ
ઝરમર ઝરમર વરસાદ વરસે
આ એક જ છત્રીને આપને બે,
છોડી છત્રી ને રમી યે કોઇ ગેમ,
પહેલો સ્પર્શ પહેલા વરસાદનો
પહેલો સ્પર્શ છે તારા હાથ નો
લાગ્યો કરન્ટ જાણે વીજળી નો
વિજલીતો આકાશ મા ચમકી,
તુ તો મારી બાહુ મા ચમકી,
ના કાય ભાન હવે બસ પ્રેમ,
પડ મારા પર વીજળીની જેમ,
વરસે ધરતી પર આભનો પ્રેમ,
ભલે પડે આ ધરા પર વીજળી,
પડવા ન દે પ્રેમ પર વીજળી,
વાદળોની જેમ તકરાર ન કર,
ભલે તોફાન આવે ગગનમાં,
ન આવવા દે તોફાન પ્રેમમાં,
નદીઓ છલકાય વરસાદમાં,
મારું દિલ છલકાય તારા પ્રેમમાં
- ભરત સુચક
June 7th, 2009 at 12:11 pm
This is first visit to mitixa. It is an effort IN TIME ! Your love for language and lit. needs cudos. Keep it up. An important correction : this song is composed by Nayanesh Jani. will be in touch. keep me informed on my e mail.
Love.
- Tushar Shukla
[ તુષારભાઈ, મીતિક્ષા.કોમ પર આપના પગલાં અમારે માટે આનંદની વાત છે. આપના સૂચન મુજબ સુધારો કર્યો છે. શરતચૂક બદલ ક્ષમાપ્રાર્થના. - admin ]