Press "Enter" to skip to content

રૂપ કૈફી હતું


આજે સાંભળો એક કેફ ચઢી જાય એવી ગઝલ. શોભિત દેસાઈની રચનાને પંકજ ઉધાસે સ્વર આપીને વધુ કૈફી બનાવી છે. આ સુંદર રોમેન્ટીક ગઝલમાં એક નાજુક અને સુંદર મુલાકાતને વણી લેવાઈ છે. ગઝલ પહેલાંનું મુક્તક ખૂબ સુંદર, ગઝલ સુંદર અને પંકજ ઉધાસનો મદહોશ કરે તેવો સ્વર. પછી બીજું શું કહેવાનું હોય ? એને તો બસ વારંવાર માણવાનું હોય. ખરું ને ?
*
સ્વર – પંકજ ઉધાસ

*
બચ્યા છે કેટલા ? એ શબ્દ પણ ગણી લઉં છું
છૂટો પડું છું ને ખુદની સિલક ગણી લઉં છું
ક્ષણો, કલાક, દિવસ, માસ, વર્ષ કે સૈકા
તમે હો એવા સમયને પ્રણય ગણી લઉં છું
*
રૂપ કૈફી હતું, આંખો ઘેલી હતી, ને હથેળીમાં એની હથેળી હતી
મન મહેકતું હતું, ભીના કંપન હતા, એની સાથે મુલાકાત પહેલી હતી

આંખમાં એક દરિયો છુપાયો હતો, પણ શિશુ જેવો નિર્દોષ ચહેરો હતો
છોકરી મારી સામે જે બેઠી હતી, ખૂબ અઘરી હતી, સાવ સહેલી હતી

મીઠી મુંઝવણ હતી, હોઠ તો ચૂપ હતા, જો હતો, તો હતો મૌનનો આશરો
એણે જ્યારે કહ્યું, હું તને ચાહું છું, જિંદગી એક પળમાં ઉકેલી હતી

જોતજોતામાં બસ એ રિસાઇ ગઇ, પણ દૂર ના જઇ શકી મારાથી એ
ફેરવી તો લીધું મોઢું છણકો કરી, પીઠથી પીઠ તો પણ અઢેલી હતી.

– શોભિત દેસાઈ

8 Comments

  1. Pragnaju
    Pragnaju October 22, 2008

    પંકજના સ્વરમાં મુક્તક અને ગઝલની ખૂબ સુંદર ગાયકી
    શોભીત પણ ખૂબ રોમાન્ટિક રહ્યો!

  2. ashwin-sonal
    ashwin-sonal October 27, 2008

    જોતજોતામાં બસ એ રિસાઇ ગઇ, પણ દૂર ના જઇ શકી મારાથી એ
    ફેરવી તો લીધું મોઢું છણકો કરી, પીઠથી પીઠ તો પણ અઢેલી હતી.

    દિવાળીમાં તમોએ સ્વીટ મોકલાવી હોય તેમ લાગે છે. જુદાઇની વેદના આવી હોય તો એવી જુદાઈનો ગમ નથી. તમે ગઝલનો બહુ કેફ ચડાવો નહીં ! ગુજરાતમાં કેફી પીણાની મનાઈ છે !!!

  3. upendra
    upendra December 2, 2008

    after a long time I hear Pankaj Udhas singing.
    Heard him years back in Ahmedabad at Sports club in his early days also at Rajpath club..
    The same charming,enchanting melodious voice now of course he is a celebrity singer..
    Thanks

    Upendra

  4. Dr. Sharadchandra Patel
    Dr. Sharadchandra Patel November 30, 2009

    Just Love This !!!!!!!!!!!!!!!!!

  5. Chintan
    Chintan July 8, 2010

    This is my most favorite gazal. thanks for updet this gazal.

  6. C. Tanna
    C. Tanna October 31, 2011

    દિવાળીમાં તમોએ સ્વીટ મોકલાવી હોય તેમ લાગે છે. જુદાઇની વેદના આવી હોય તો એવી જુદાઈનો ગમ નથી. તમે ગઝલનો બહુ કેફ ચડાવો નહીં ! ગુજરાતમાં કેફી પીણાની મનાઈ છે !!!

  7. Jay Padhara
    Jay Padhara November 15, 2019

    મારે આ ગઝલ એમ.પી. ૩ ફોર્મેટમાં જોઈએ છે. જો કોઈ મિત્ર મદદ કરી શકે તો આભારી થઈશ.

Leave a Reply to Pragnaju Cancel reply

Your email address will not be published. Required fields are marked *

This site uses Akismet to reduce spam. Learn how your comment data is processed.