Press "Enter" to skip to content

સૂના સરવરીયાને કાંઠડે


આજથી નવરાત્રિનો પ્રારંભ થઈ રહ્યો છે. મા આદ્યશક્તિ જગદંબાના મહિમાને ઉજાગર કરતું આ પર્વ શક્તિનો મહિમા દર્શાવી તેની પૂજા કરવાનો સંદેશ આપે છે. બંગાળમાં દુર્ગાપૂજા પણ આજથી શરૂ થશે. ગુજરાતનું ભાતીગળ ગણાતો ગરબો એના શિખર પર ચઢી આજે શેરીએ શેરીએ અને મહોલ્લે મહોલ્લે ગાજશે. વડોદરા તો ગરબાની રાજધાની ગણાય. જમણી બાજુના મીડિયા પ્લેયરમાં તમે વડોદરાના સુપ્રસિદ્ધ ગરબાઓ અચલ મહેતા, અતુલ પુરોહિત અને સાથીઓના સ્વરમાં મન ભરીને માણી શકશો.
આજે નવરાત્રિ પર્વના પ્રારંભે સાંભળો અવિનાશભાઈની એક અમર કૃતિ. [સ્વર: વિરાજ અને બીજલ ઉપાધ્યાય]

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

સૂના સરવરીયાને કાંઠડે હું
બેડલું મેલીને ન્હાવા ગઈ
પાછી વળી ત્યારે બેડલુ નહી, બેડલુ નહી.

હું તો મનમાં ને મનમાં મુંઝાણી મારી સૈ,
શું રે કહેવું રે મારે માવડી ને જઈ
પાછી વળી ત્યારે બેડલુ નહી, બેડલુ નહી…..સૂના સરવરીયા

કેટલુંયે કહ્યું પણ કાળજુ ના કોર્યું
ને ચોરી ચોરી ને એણે બેડલું ચોર્યું
ખાલીખમ બેડલાથી વળે ના કંઈ
પાછી વળી ત્યારે બેડલુ નહી, બેડલુ નહી…..સૂના સરવરીયા

નીતરતી ઓઢણી ને નીતરતી ચોળી
ને બેડલા નો ચોર મારે કેમ લેવો ખોળી
દઈ દે મારું બેડલું મારા દલડા ને લઈ
પાછી વળી ત્યારે બેડલુ નહી, બેડલુ નહી … સૂના સરવરીયા

– અવિનાશ વ્યાસ

6 Comments

  1. Pragnaju
    Pragnaju September 30, 2008

    અવિનાશ વ્યાસની એક અમર કૃતિ મધુર સ્વરમાં માણી આનંદ્

  2. Niraj
    Niraj September 30, 2008

    મારું ખૂબ ગમતું ગીત.. મઝા આવી..

  3. Kirit Joshi
    Kirit Joshi October 1, 2008

    Very good song and very good composition.

  4. Ashwin-Sonal
    Ashwin-Sonal October 2, 2008

    તમે પણ વડોદરાના ગરબા મીસ કરતા હશો !

    નીતરતી ઓઢણી ને નીતરતી ચોળી
    ને બેડલા નો ચોર મારે કેમ લેવો ખોળી
    દઈ દે મારું બેડલું મારા દલડા ને લઈ
    પાછી વળી ત્યારે બેડલુ નહી, બેડલુ નહી … સુના સરવરીયા

    સાચે જ લવરાત્રિના આ જમાનામાં નવરાત્રિનો સાચો મહિમા તમે સમજાવ્યો. બહુ સરસ. આ સંદેશ સમજીએ તો પણ બહુ.

  5. Chetan vira
    Chetan vira December 4, 2009

    very very good song. soft music is good to ears.

  6. Parul
    Parul April 14, 2010

    I am looking for ‘હુ તો ગઈતિ મેળઍ….(hun to gayi ti mele!!!)’ anybody?

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.