બરબાદ કર
ખોટ તારે ત્યાં ખુદા શી છે ? મને આબાદ કર,
છે ધરા પર ઝાંઝવાં તો આભથી વરસાદ કર.
આટલી મારી મદદ ઓ પ્રેમનો ઉન્માદ કર,
રોજ એના ઘર તરફ જા, રોજ એને સાદ કર.
પ્રેમમાં સાંભરવા જેવું હવે શું છે બીજું ?
એ તને ભૂલી ગયાં છે એટલું બસ યાદ કર.
દુઃખની વચ્ચે જીવવાની એ જ બેત્રણ રીત છે,
સામનો કર કે સબર કર કે પછી ફરિયાદ કર.
જે પ્રયોજન છે સુરાનું એ સુરા જેવું જ છે,
આ બધા કડવા અનુભવનો જ તું આસ્વાદ કર.
હોય સૌ નાદાન ત્યાં કોઇ તો દાનો જોઇએ,
દોસ્ત કર બે-ચાર, દુશ્મન પણ કોઇ એદાદ કર.
જો પછી કે શૂન્ય વિણ બાકી કશું રહેશે નહીં,
ઓ ખુદા તારા જગતમાંથી મને તું બાદ કર.
અંતવેળા છે, ન એની રાહ જો બેફામ તું,
જીંન્દગીની જેમ તારું મોત ના બરબાદ કર.
- બરકત વિરાણી ‘બેફામ’
September 21st, 2008 at 11:25 am
If title would have been Abad kar that would be more appropriate. would have given positive enrgy. Any way its good. Thanks
September 23rd, 2008 at 2:08 am
અંતવેળા છે, ન એની રાહ જો બેફામ તું,
જીંન્દગીની જેમ તારું મોત ના બરબાદ કર.
‘બેફામ’ની સીધી સાચી વાત
October 2nd, 2008 at 8:33 pm
પ્રેમમાં સાંભરવા જેવું હવે શું છે બીજું ?
એ તને ભૂલી ગયાં છે એટલું બસ યાદ કર.
હોય સૌ નાદાન ત્યાં કોઇ તો દાનો જોઇએ,
દોસ્ત કર બે-ચાર, દુશ્મન પણ કોઇ એદાદ કર
જો પછી કે શૂન્ય વિણ બાકી કશું રહેશે નહીં,
ઓ ખુદા તારા જગતમાંથી મને તું બાદ કર
દુઃખની વચ્ચે જીવવાની એ જ બેત્રણ રીત છે,
સામનો કર કે સબર કર કે પછી ફરિયાદ કર.
હા, દોસ્ત સાથે દુશ્મન અને મીલન સાથે જૂદાઈ જરુરી છે. ખુબ સરસ રચના છે. સલાહ સાચી આપી છે પણ આપણે અમલ કેવી રીતે કરીએ તેના પર આધાર છે.