આવ્યાં હવાની જેમ
શબ્દો જેમની પાસે અનાયાસ સરતાં રહે છે એવા મારા પ્રિય કવિ રાજેન્દ્ર શુકલની રચના જેને બંસરીબેનનો કંઠ મળ્યો છે, અહીં રજૂ કરું છું. દૃશ્ય જગત જ સર્વકાંઈ નથી. રેશમી હવાની જેમ કોઈની મધુર યાદો અદૃશ્ય રીતે આપણને એક અલગ ભાવસૃષ્ટિમાં તાણી જાય છે. હું શું કરું કે કંઠ ખૂલતો નથી, ગીતો તો કેટલુંય કરગરી ગયા … તથા એની ખીણો મહીં જ સમય ખૂંપતો ગયો, શબ્દો અજાણતાં તમે કોતરી ગયા .. એ અહેસાસને વાચા આપે છે.
[સ્વર: બંસરી યોગેન્દ્ર, સંગીત: હરેશ બક્ષી]
Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.
આવ્યાં હવાની જેમ અને ઓસરી ગયાં,
શો શૂન્યતાથી જામ સપનનો ભરી ગયાં !
વીતી ગઈ એ વેળ, હવે અહીં કશું નથી,
સ્મરણો ય આવી આવીને પાછાં ફરી ગયાં !
હું શું કરું જ્યાં કંઠ જરી ય ખૂલતો નથી,
ગીતો તો કેટલું ય અરે કરગરી ગયાં !
તારા ગયાં પછી ન બન્યું કંઈ નવું અહીં,
અધઊઘડી બે છીપથી મોતી ઝરી ગયાં !
જોઈ અટૂલી મ્હેંક સમય પૂછતો ફરે -
‘ફોર્યાં અહીં જે ફૂલ તે ક્યારે ખરી ગયાં !’
વાતો રહી ગઈ એ કસુંબલ મિજાજની,
એ ઘેન, એ ઘટા, એ ઘૂંટ, સહુ સરી ગયાં !
એની ખીણો મહીં જ સમય ખૂંપતો ગયો,
શબ્દો અજાણતા જે તમે કોતરી ગયાં !
- રાજેન્દ્ર શુકલ
(ગીતની ફરમાઈશ કરનાર મિત્રો - રુષુ અને નિશાંત)
September 9th, 2008 at 7:23 pm
સર્વાંગ સુંદર ગીત
એની ખીણો મહીં જ સમય ખૂંપતો ગયો,
શબ્દો અજાણતા જે તમે કોતરી ગયાં !
આતો અમારી અનુભૂતિ
મધુરી મધુરી ગાયકી
September 10th, 2008 at 3:37 am
વીતી ગઈ એ વેળ, હવે અહીં કશું નથી,
સ્મરણો ય આવી આવીને પાછાં ફરી ગયાં !
વાહ ! શું સુંદર રચના ! શું સુંદર શબ્દો ! શું સુંદર કંઠ ! કહેવું પડે ! અભિનંદન.
December 2nd, 2008 at 3:22 pm
Very melodious voice of Bansariben.She has come a very long way in renedering Sugam sangeet.
I know her as a member of music lover’s family.
Enjoyed the song thoroughly…
Thanks
Upendra
November 14th, 2009 at 1:14 pm
ઊડતા અરમાનો એ કંઇક ખીણો એ નિહાળી ને બધી જ આશાઓ એમા જ સમાણી.