પ્રેમળ જ્યોતિ તારો દાખવી

નરસિંહરાવ દિવેટીયાનું અમર સર્જન એટલે આ પ્રાર્થના. ગુજરાતની લગભગ બધી જ સ્કુલમાં આ પ્રાર્થના ક્યારે ને ક્યારે ગવાઈ હશે અને હજુ પણ ઘણી સ્કુલોમાં ગવાતી હશે. પ્રાર્થનાના શબ્દો અને ભાવ હૃદયંગમ છે. માણો આ મધુરી પ્રાર્થના એટલા જ મધુરા સ્વરમાં.
[ આલ્બમ : પ્રાર્થનાપોથી, પ્રકાશક – સૂરમંદિર ]

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.


પ્રેમળ જ્યોતિ તારો દાખવી,
મુજ જીવનપંથ ઉજાળ … પ્રેમળ જ્યોતિ

દૂર પડ્યો નિજ ધામથી હું,
ને ઘેરે ઘન અંધાર,
માર્ગ સૂઝે નવ ઘોર રજનીમાં,
નિજ શિશુને સંભાળ,
મારો જીવનપંથ ઉજાળ … પ્રેમળ જ્યોતિ

ડગમગતો પગ રાખ સ્થિર મુજ,
દૂર નજર છો ન જાય;
દૂર માર્ગ જોવા લોભ લગીર ન,
એક ડગલું બસ થાય,
મારે એક ડગલું બસ થાય … પ્રેમળ જ્યોતિ

આજ લગી રહ્યો ગર્વમાં હું,
ને માગી મદદ ના લગાર;
આપબળે માર્ગ જોઇને ચાલવા,
હામ ધરી મૂઢ બાળ;
હવે માગું તુજ આધાર … પ્રેમળ જ્યોતિ

ભભકભર્યા તેજથી હું લોભાયો,
ને ભય છતાં ધર્યો ગર્વ,
વીત્યાં વર્ષો ને લોપ સ્મરણથી,
સ્ખલન થયાં જે સર્વ,
મારે આજ થકી નવું પર્વ … પ્રેમળ જ્યોતિ

તારા પ્રભાવે નિભાવ્યો મને પ્રભુ !
આજ લગી પ્રેમભેર,
નિશ્ચે મને તે સ્થિર પગલેથી
ચલવી પહોંચાડશે ઘેર,
દાખવી પ્રેમલ જ્યોતિની સેર … પ્રેમળ જ્યોતિ

કર્દમભૂમિ કળણ ભરેલી,
ને ગિરિવર કેરી કરાડ,
ધસમસતા જળ કેરા પ્રવાહો,
સર્વે વટાવી કૃપાળ,
મને પહોંચાડશે નિજ દ્વાર … પ્રેમળ જ્યોતિ

રજની જશે, ને પ્રભાત ઊજળશે,
ને સ્મિત કરશે પ્રેમાળ,
દિવ્ય ગણોનાં વદન મનોહર
મારે હૃદય વસ્યાં ચિરકાળ,
જે મેં ખોયા હતાં ક્ષણવાર … પ્રેમળ જ્યોતિ

– નરસિંહરાવ દિવેટિયા

COMMENTS (6)
Reply

આ ખૂબ સરસ પ્રાર્થના છે. આ પ્રાર્થના શાળામાં ગવાતી હતી. આ સાંભળી મને શાળાના દિવસો યાદ આવી જાય છે. મને આ ખૂબ ગમે છે.

Reply

i am very happy today seeing this site and particularly seeing this poem, which we learnt in school and were singing as a prayer.

thanks.

Reply

Can I download any song, prathna ..from this site?
If no, can anybody atleast send me this file? I would be really grateful to you. I am very much happy to get all these bhajans. I am passionate about singing and as being a Gujarati, I am really spiritual and culturistic person. I love to listen and sing garbas, prathnas, bhajans.
I am looking for an opportunity to sing in USA also. I am pursuing my Master in Software Engineering at San Jose, California, USA..!
Thanks in advance.
Jay Shri Krishna…!
Ashish Joshi
[songs presented on this site is for listening online only. If you like, please buy original cessatte or CD and help artists and our language to flourish. – admin]

Reply

આ પ્રાર્થના ખુબ જ ગહન અર્થ ધરાવે છે. ખુબ જ પ્રિય પ્રાર્થના છે, જેમાં પણ પાંચમો અંતરો મારો પ્રિય છે.

આટલી સુંદર પ્રાર્થના સહજ સુલભ કરવા બદલ ખુબ આભાર! હમણાં ટહુકો સાઈટ અપડેઈટ થતી હોવાથી ખૂલી નહી અને આ પ્રાર્થના શોધતાં અહીંથી મળી તેની ખુશી માટેનો આભાર !

Reply

અહિં અપાતા ભજનો જો સરળતાથી ડાઉનલોડ કરી શકાય તો સોનામાં સુગન્ધ ભળે……

Leave a Comment

Comment (required)

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Name (required)
Email (required)